न्याय्य हक्कासाठी लवकरच आंदोलन

राज्य कंत्राटदार महासंघ व राज्य अभियंता संघटनेचा इशारा

| पाली/बेणसे | प्रतिनिधी |

रायगड जिल्ह्यातील पाली येथे राज्य अभियंता संघटनेची राज्यस्तरीय बैठक संपन्न झाली. यावेळी सरकारच्या बदलत्या नियमांमुळे ठेकेदारांचे होणारे नुकसान या मुद्द्यावर चर्चा झाली. रस्त्यावर पडणारे खड्डे आणि त्यानंतर ठेकेदाराला दोषी ठरवण्याच्या पद्धतीचा यावेळी निषेध करण्यात आला. रस्त्यांच्या दुरावस्थेला सरकारी अधिकारी जबाबदार असल्याचा आरोप ठेकेदार संघटनेचे कोकण विभागीय अध्यक्ष प्रकाश पालरेचा यांनी केला आहे. तर, ठेकेदारांकडून शासन चुकीच्या पद्धतीने जीएसटी वसुली करीत आहे. ती वसुली बंद करावी, अशी मागणी राज्य संघटनेचे अध्यक्ष मिलिंद भोसले यांनी या बैठकीचे वेळी केली.

राज्यातील सर्व विभागाने (जिल्हा परिषद, सार्वजनिक बांधकाम विभाग व इतर) नवीन कामांना तातडीने मंजुरी द्यावी, सगळ्यां कामांना 18 टक्के जीएसटी रक्कम द्या, तसेच दिवाळी पूर्वी कामांची देयके द्या. रस्त्यावरील खड्डे, खराब होण्यास व दोषरोपणासाठी कंत्राटदार जबाबदार न धरता अधिकारी व प्रशासन यांंना जबाबदार धरावे, अशी जोरदार मागणी करीत भविष्यात महाराष्ट्र राज्य कंत्राटदार महासंघ व राज्य अभियंता संघटना आपल्या न्याय्य हक्कांसाठी उग्र आंदोलन छेडेल, असा इशारा राज्याध्यक्ष मिलिंद भोसले यांनी दिला.

या अधिवेशनामध्ये राज्यभरातून कंत्राटदार व सुशिक्षित बेरोजगार स्थापत्य अभियंता यांनी प्रचंड मोठा आपला सहभाग नोंदवला. यावेळी विविध मागण्यांच्या पूर्ततेसाठी भविष्यातील आंदोलनाची रणनीती ठरविण्यात आली. अशा अन्य अनेक विषयांवर महत्त्वपूर्ण चर्चा झाली.

या बैठकीस महाराष्ट्र राज्य कंत्राटदार महासंघ व राज्य अभियंता संघटना राज्य अध्यक्ष इंजि. मिलिंद भोसले, कार्याध्यक्ष संजय मैंद, महासचिव सुनील नागराळे, खजिनदार निवास लाड, विभागीय अध्यक्ष सुरेश कडु, सुबोध सरोदे, कोकण विभागीय प्रकाश पालरेचा, प्रकाश पांडव, अनिल पाटील, तसेच प्रसिद्ध प्रमुख कौशिक देशमुख, राज्य उपाध्यक्ष अनुक्रमे कांतीलाल डुबल, दिनेश कटारिया, राजेश आसेगावंकर, रविंद चव्हाण अभियंता संघटना महासचिव राजेश देशमुख,सहसचिव कैलास लांडे, समन्वयक नरेंद्र भोसले,मेहता, परमार,अन्वर अली, समीर शेख, सिकंदर डांगे, अक्षय नाईक, बी.एस. पाटील, प्रशांत कारंडे, कोकण विभागीय अध्यक्ष प्रकाश पालरेचा, रायगड जिल्हाध्यक्ष राजू पिचिका, मिलिंद ठोंबरे, विराज मेहता, दिपकशेठ परमार, अमोल चव्हाण, खालापूर तालुका अध्यक्ष उमेश गावंड आदींसह राज्यभरातून असंख्य कंत्राटदार व सुबे अभियंता उपस्थित होते. शेवटी राष्ट्रगीत घेऊन बैठकीचा समारोप करण्यात आला.