breaking news! माणगाव रायगड रस्त्यावर सहलीच्या बसला अपघात

| माणगाव | विशेष प्रतिनिधी |

पुण्यातील ज्ञान प्रबोधिनी शाळेच्या बसचा रायगडमध्ये भीषण अपघात झाल्याची माहिती समोर आली आहे. ही बस 15 ते 20 फूट खोल दरीत कोसळली.

किल्ले रायगडला सहलीसाठी आलेल्या खाजगी मिनी बसला माणगाव-रायगड रसत्यावर दहा किमी अंतरावर घरोशी वाडी येथे अपघात होऊन या अपघातात ७ जण जखमी झाले असून त्यापैकी जास्त मार लागलेल्या ४ जणांना पुणे येथील रुग्णालयात हलविण्यात आले आहे. सदरचा अपघात शुक्रवार (दि.११) रात्री ७ ते ७:३० वाजण्याच्या दरम्यान घडला.

पुण्याकडे जात असताना घरोशी वाडी घाट रस्त्याच्या तीव्र उतारावर चालकाचे नियंत्रण सुटून मिनिबस पंधरा ते विस फुट दरीत कोसळली. सुदैवाने हि बस झाडाला आडकल्याने मोठी दुर्घटना टळली. या अपघातामध्ये दोन विद्यार्थ्यांना गंभिर दुखापत झाली असुन त्यांच्यावर माणगावच्या उपजिल्हा रुग्णालयामध्ये उपचार सुरु आहेत तर सात जण जखमी झाले आहेत. पुणे येथील ज्ञान प्रबोधनी स्कुलमधील शिक्षक, पालक आणि विद्यार्थी रायगड सहलीला आले असता परतीच्या प्रवासादरम्यान हा अपघात झाला.