| पनवेल । वार्ताहर ।
महिलांच्या सुदृढ आरोग्यासाठी महापालिकेकडून माता सुरक्षित तर घर सुरक्षित अभियान राबवले जात आहे. या अभियानाच्या माध्यमातून पनवेल महापालिका क्षेत्रातील एकूण 3 लाख 52 हजार 758 महिलांची आरोग्य तपासणी केली आहे.
महिला हा प्रत्येक घराचा आधारस्तंभ असतो. घरामध्ये काम करताना किंवा कुटुंबाची काळजी घेताना महिलांकडून स्वतःच्या प्रकृतीकडे दुर्लक्ष केले जाते. त्यामुळे एखादा लहानसा आजार मोठे स्वरूप धारण करतो. त्यामुळे महिलांच्या सुदृढ आरोग्य देण्यासाठी राज्य शासन प्रयत्नशील आहे. त्याचाच भाग म्हणून पनवेल महापालिकेकडून ‘माता सुरक्षित तर घर सुरक्षित अभियान’ राबवले जात आहे. दिवाळीच्या पार्श्वभूमीवर सुरू झालेल्या या अभियानामध्ये महापालिकेची रुग्णालये, शहरी प्राथमिक आरोग्य केंद्र, तसेच शिबिराच्या माध्यमातून विविध उपक्रम राबवले जात आहेत. अभियानात सेवाभावी तज्ज्ञ डॉक्टरांचा सहभाग असून महिलांच्या समुपदेशनासाठी सामाजिक संस्थांसोबत महापालिकेच्या सार्वजनिक आरोग्य विभाग, पालिका क्षेत्रातील खासगी डॅाक्टर मेडिकल असोसिएशन, स्त्रीरोगतज्ज्ञ संघटना, रिसर्च सेंटर, एमजीएम कॉलेजमधील विद्यार्थ्यांनीदेखील सहभाग घेतला आहे.
आजारांवर वेळेआधीच उपचार
हर घर माता सुरक्षा अभियानादरम्यान महिलांच्या आरोग्य तपासणीमुळे महिलांमधील आजारांची माहिती उघड झाली आहे. यामध्ये हजार महिलांना विविध आजार असल्याचे पुढे आले आहे. आजार असणार्या महिलांना पुढच्या टप्प्यात उपचार सुविधा पुरवण्यात येणार आहे. त्यामुळे या अभियानाला स्थानिक अधिकार्याचा कर्मचार्यांची गांभीर्याने घेतल्याने प्रत्येक घरातील माताही निरोगी होणार आहे.
शहरात महापालिकेच्या माध्यमातून ‘माता सुरक्षित, तर घर सुरक्षित अभियान’ राबवले जात आहे. या अभियानाच्या माध्यमातून महिलांचे आरोग्य तपासणी करून त्यांच्या आरोग्य सुविधा उपलब्ध करून दिल्या जात आहेत.
गणेश देशमुख, आयुक्त
पनवेल महापालिका
महिला आजाराच्या विळख्यात सापडल्यानंतर कुटुंबाचा दिनक्रमच बिघडतो. त्यामुळे महिलांना सुदृढ आरोग्य देण्यासाठी राज्य शासन प्रयत्नशील आहे. ज्या महिला आरोग्य तपासणीपासून वंचित आहेत, त्यांनी तत्काळ तपासणी करून घ्यावी.
डॅा. रेहाना मुजावर
प्रभारी वैधानिक आरोग्य अधिकारी, पनवेल पालिका