महाड तालुक्यातील तळीये गावातील मृतांचे सामुदायिक उत्तरकार्य

तेव्हा तळियेत चिखलही किंचाळत होता आज दगडालाही पाझर फुटेलसा आक्रोश होता

महाड | शैलेश पालकर |
महाड तालुक्यातील तळीये गाव दि.22 जुलैला अतिवृष्टीमुळे दरड कोसळून उद्ध्वस्त झाले होते. दि.25 जुलै पर्यंत दरडीच्या ढिगाऱ्यातून 53 मृतदेह बाहेर काढण्यात आले होते. मात्र, चौथ्या दिवशी सकाळी बचावकार्य थांबविण्याचा निर्णय घेण्यात आला. यात 31 जण बेपत्ता असल्याची नोंदविण्यात आले. या सर्वांचे तेराव्याचे उत्तरकार्य तळिये येथे सामुदायिकरित्या करण्यात आले असता मृतांच्या नातेवाईकांचे हुंदके अन् हंबरडे ऐकून अनेकांच्या काळजाचं पाणी झालं.

दरड दुर्घटनेतील मृतांचा आकडा 53 वर पोहोचला आहे. या दुर्घटनेत केवळ 5 जण जखमी अवस्थेत सापडले आहेत. तर बेपत्ता असलेल्या 31 जणांचा तीन दिवसांनंतरही शोध सुरुच होता. मात्र तीन दिवसांच्या शोध कार्यानंतर दरडीखाली कोणी जिवंत आढळून येईल, याची खात्री नसल्याने एकूण परिस्थिती पाहता लोकप्रतिनिधी, प्रशासन, एनडीआरएफ, एसडीआरएफ, टीडीआरएफ पथकांचे मत आणि दुर्घटनाग्रस्त कुटुंबांचे नातेवाईक या सर्वांशी चर्चाविनिमय करुन आज हे बचावकार्य थांबविण्याचा निर्णय घेतला.

रविवारपर्यंत दरडीच्या ढिगाऱ्याखालून 53 मृतदेह बाहेर काढण्यात आले होते, तर 5 जण जखमी अवस्थेत सापडले. या दुर्घटनेतील 31 जणांना दि.25 जुलै रोजी बेपत्ता घोषित करण्यात आले आहेत. या बेपत्ता व्यक्तींबाबत शासनास अहवाल सादर करण्यात येईल व त्यानुषंगाने शासनाचे आदेश प्राप्त करुन अशा बेपत्ता झालेल्या व्यक्तींपैकी ज्या व्यक्तींचा शोध लागू शकला नाही किंवा त्यांचे शवही सापडले नाही, अशा बेपत्ता व्यक्तींच्या वारसास शासन धोरणानुसार सानुग्रह मदत देण्यात यावी, अशी विनंती पालकमंत्री आदिती तटकरे यांनी शासनास केली.

यानंतर हिंदू संस्कृती तसेच सामाजिक चालीरीतीनुसार तळियेतील मृत व बेपत्ता अशा 84 जणांचे उत्तरकार्य तळिये दरडग्रस्त भागापासून काही अंतरावर करण्याचा निर्णय ग्रामस्थांनी घेतला. यासाठी भव्य मांडव देखील उभारुन मृतांच्या तसबिरी एका रांगेत हारा-फुलांनी सजवून ठेवल्या गेल्या. जे सर्वजण 22 जुलैपर्यंत डोळ्यासमोर होते तेच सर्व आज तेराव्याला फोटोंमध्ये बघताना ग्रामस्थांना दुःख अनावर होत होते.

महिला वर्ग जुन्या आठवणीने आक्रोश करीत होता तर आबालवृद्धांनादेखील या आक्रोशामुळे डोळ्यांच्या पापण्यांना पाझर फुटला होता. कोणाचा अश्रूंचा बांध फुटला तर भल्याभल्यांच्या स्थितप्रज्ञतेचा कडेलोट होऊन हुंदके फुटू लागले.

आजही निर्वासितांसारखे जगणारे तळिये ग्रामस्थ या दरडीच्या आठवणीनेही हंबरडा फोडताना उद्ध्वस्त झाल्याची जाणीव हमसाहमशी रडण्याच्या आवाजातून स्पष्ट होत होती. कोणाला लहान मुलं तर कोणाला मातापित्यांसारखे असलेले जीवलग आता त्यांच्यापासून दुरावल्याची जाणीव होऊ लागलेली दिसले. शोकाकूल आणि दुःखाला पारावार नसलेल्या तळियेवासींनी आज अश्रूंना मनमोकळेपणाने वाट करून दिली होती.

या दुर्घटनेतील 53 मृत व्यक्तींची नावे पुढीलप्रमाणे- 1) बाळू महादू यादव-75, 2) कृष्णाबाई बाळू यादव-70, 3) गुणाची बाळू यादव-30, 4) दिपाली गुणाजी यादव-30, 5) अवनी सुनील शिरावले-5, 6) पार्थ सुनील शिरावले-1, 7) बाळकृष्ण तात्याबा कोंढाळकर-45, 8) लक्ष्मण रावजी यादव-70, 9) श्याम श्रीपत यादव-75, 10) देवेंद्र श्याम यादव-38, 11) दिपाली देवेंद्र यादव-35, 12) अलका भीमसेन शिरावले-50, 13) आयुष भीमसेन शिरावले-12, 14) दिपाली भीमसेन शिरावले-17, 15) देवकाबाई बापू सपकाळ-72, 16) भरत तुळशीराम शिरावले-25, 17) निकिता भरत शिरावले-23, 18) केशव बाबुराव पांडे-70, 19) रेशमा विजय पांडे-28, 20) मनाली विजय पांडे-7, 21) उषा पांडुरंग कोंढाळकर-80, 22) संजय बापू कोंढाळकर-55, 23) अजित ज्ञानेश्वर कोंडाळकर-22, 24) अभिजीत ज्ञानेश्वर कोंडाळकर-20, 25) मंजुळा गणपत गायकवाड -70, 26) प्रविण किसन मालुसरे-25, 27) अनिता उर्फ मंदा संपत पोळ-50, 28) ऋषिकेश चंद्रकांत कोंढाळकर-25, 29) अश्विनी अमोल कोंढाळकर-25, 30) संकेत दत्ताराम जाधव-25, 31) सानिका संकेत जाधव-22, 32) द्रौपदी गणपत धुमाळ-70, 33) धोंडीराम लक्ष्मण शेडगे-65, 34) दैवत शंकर कोंडाळकर-65, 35) गणपत केदारी जाधव-85, 36) इशांत देवेंद्र यादव-10, 37) विघ्नेश विजय पांडे-5 महिने, 38) करण देवेंद्र यादव-8, 39) लिलाबाई यशवंत कोंढाळकर-65, 40) किसन काशीराम मालुसरे-55, 41) बाबू धोंडु सकपाळ-75, 42) संपत कुशाबा पोळ-55, 43) विमल तुळशीराम शिरावळे-65, 44) इंदीराबाई शांताराम शिरावळे-62, 45)अंजीराबाई बापू कोंढाळकर-62, 46) नर्मदाबाई तुकाराम कोंढाळकर-75, 47) सुगंधा ज्ञानेश्वर कोंढाळकर-37, 48) शकुंतला रामचंद्र कोंढाळकर-70, 49) सुधाकर रामचंद्र कोंढाळकर-44, 50) विजय बाळकृष्ण साळुंखे-25, 51) निराबाई शिवराम कोंढाळकर-65, 52) सुनंदा विठ्ठल जाधव-50, 53) भाविका नारायण निकम-15

या दुर्घटनेत बेपत्ता असलेल्या व्यक्तींची नावे पुढीलप्रमाणे-
1) प्रविणा सुनिल शिरावले-30, 2) आशा बाळकृष्ण कोंढाळकर-40, 3) राहुल बाळकृष्ण कोंढाळकर-23,4) पुष्पा लक्ष्मण यादव-65, 5) तुळशीराम बाबू शिरावले-70, 6) सुरज तुळशीराम शिरावले- 27, 7) हौसाबाई केशव पांडे-65,8) शांताराम गंगाराम शिरावले-75, 9) ज्ञानेश्वर तुकाराम कोंढाळकर-55, 10) मधुकर तुकाराम कोंढाळकर-54,11) तानुबाई रामचंद्र साळंखे- 75, 12) यशवंत रामचंद्र कोंढाळकर-65, 13) गणपत तानाजी गायकवाड-75,14) शिवराम सिताराम कोंढाळकर-70, 15) शांताबाई काशीराम मालुसरे-75, 16) कांता किसन मालुसरे-50, 17) विद्या किसन मालुसरे-22,18) चंद्रकांत बापू कोंढाळकर-50, 19) तन्वी चंद्रकांत कोंढाळकर -12, 20) स्वरूपा चंद्रकांत कोंढाळकर- 10,21) पांडुरंग तात्याबा कोंढाळकर-60, 22) काजल पांडुरंग कोंढाळकर-22, 23) सान्वी संकेत जाधव-1, 24) रामचंद्र बाळकृष्ण जाधव-70,25) सुशिला रामचंद्र जाधव-65, 26) रमेश रामचंद्र जाधव-40, 27) प्रदीप रामचंद्र जाधव-29, 28) रविंद्र रामचंद्र जाधव-26,29) राधाबाई देवजी जाधव-80, 30) निराबाई हनुमंत कदम-55, 31) उर्मिला धोंडीराम शेडगे-60 अशी असून सर्वांचे आज उत्तर कार्य करण्यात आले.