दारूच्या नशेत झाडावर चढला, पोलीस येताच उडी मारून खाली कोसळला
एका झाडावरून दुसऱ्या झाडावर उडी मारण्याच्या नादात जखमी
| पनवेल | दीपक घरत ।
दारूच्या नशेत झाडावर चढलेला एक व्यक्ती माकडा सारखा एका झाडावरून दुसऱ्या झाडावर चढण्याच्या नादात खाली कोसळून जखमी झाल्याची घटना कळंबोली वसाहतीत घडली आहे. सोमवारी (दि.20) घडलेल्या या घटनेनुसार वसाहतीत वास्तव्यास असलेली ही व्यक्ती लोखंड आणि पोलाद बाजार परिसरात कामाला आहे. सोमवारी सकाळीच या व्यक्तीने माध्यपान केल्याने कामाच्या ठिकाणी असलेल्या त्याच्या साहेबाने त्याला शिवीगाळ केली याचाच राग आल्याने परिसरातील उंच झाड शोधून हा व्यक्ती त्या झाडावर चढला. एक व्यक्ती झाडावर चढून आरडा ओरडा करत असल्याचे लक्षात येताच परिसरातील काही व्यक्तींनी या बाबतची माहिती संबंधित पोलीस स्टेशन आणि अग्निशमन दलाला कळवली. काही वेळातच पोलीस आणि अग्निशमन दलाचे जवान घटना स्थळी दाखल झाले. अग्निशमन दल आणि पोलीस कर्मचारी घटनास्थळी दाखल झाल्याचे लक्षात येताच आणखी चेकळालेल्या या व्यक्तीने शेजारच्या दुसऱ्या उंच झाडावर उडी मारून चढण्याचा प्रयत्न केला. या वेळी तोल गेल्याने खाली कोसळलेल्या या व्यक्तीचा कबरेला गंभीर दुखापत झाली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.