नागोठण्यानजीक अपघातात दुचाकीस्वाराचा जागीच मृत्यू

। नागोठणे । वार्ताहर ।

नागोठणे पेझारी रस्त्यावर रिलायन्स सर्कलजवळील पुलाच्या पुढे वेगाने येणार्‍या ट्रकने यामाहा अल्फा मोटार सायकलला जोरदार ठोकर दिली. या अपघातात वरवठणे येथील आपल्या घरी जात असलेले मोटारसायकलस्वार संजय टोल्या भोय (वय 50) हे दुचाकीस्वार गंभीर जखमी झाल्याने त्यांचा या अपघातात जागीच मृत्यू झाला.

हा अपघात नागोठण्याजवळील वेलशेत गावाच्या हद्दीतील रिलायन्स सर्कलजवळ मंगळवारी (दि.4) सायंकाळी 6 वाजण्याच्या सुमारास घडला. या अपघातानंतर ट्रकचालक पळून गेला आहे. याबाबत नागोठणे पोलीस ठाणे येथ गुन्हा दाखल करण्यात आला असुन याप्रकरणी नागोठण्याचे पोलीस निरिक्षक राजन जगताप यांच्या मार्गदर्शनाखाली पोलीस हवालदार प्रमोद कदम हे अधिक तपास करीत आहेत.