| मुंबई | प्रतिनिधी |
लोकसभा निवडणुकीचं मतदान जसं जवळ येत आहे, तसं प्रचारालादेखील जोर येत आहे. प्रचाराच्या माध्यमातून आपण लोकांसाठी कसं काम करणार आहोत, हे पक्षांकडून आणि उमेदवारांकडून सांगण्यात येत आहे. प्रचारात नेते, आमदार, खासदार यांच्यासह स्टार प्रचारकही लोकांचं लक्ष वेधून घेतात. त्याचबरोबर लोकसभा मतदारसंघातील मतदारांना आणि लोकांना आकर्षित करण्यासाठी प्रचारात आता सेलिब्रेटिंनासुद्धा उतरवलं जाणार आहे. कारण कलावंत मंडळींची चांगलीच लोकप्रियता असते. त्यांच्या कार्यक्रमांना लोकांचा चांगला प्रतिसाद मिळतो.
एखाद्या कार्यक्रमात गर्दी खेचण्यासाठी राजकीय पक्षांकडून क्रिकेटर्स किंवा सेलेब्रिटीना आणलं जातं. सेलिब्रिटी आल्यामुळं साहजिकच कार्यक्रमाला मोठी गर्दी होते. या हेतूनं कार्यक्रमास सेलिब्रिटी आणले जातात. आता याचाच अवलंब करत राजकीय पक्षांकडून प्रचारात सेलिब्रेटींना उतरुन प्रचाराला मोठी गर्दी खेचण्याची खेळी खेळली जाणार आहे. कारण प्रचारात सेलिब्रिटी आले तर त्यांना पाहण्यासाठी, बघण्यासाठी, त्यांच्याबरोबर सेल्फी काढण्यासाठी, फोटो काढण्यासाठी स्वाभाविकच लोकांची मोठी गर्दी होते. सेलिब्रिटींची एक झलक पाहण्यासाठी मोठ्या प्रमाणात गर्दी होते.
कलाकारांचा थेट राजकारणांशी संबंध नसतो. अनेक कलाकार हे तटस्थ भूमिका घेतात. मात्र कलाकार विविध चित्रपट आणि नाटक संघटना, संस्थाच्या माध्यमांतून राजकीय पक्षांसाठी काम करत आहेत. मुख्यमंत्री एकनाथ शिंदेंच्या मशिव चित्रपट सेनेफत सुशांत शेलार, माधव देवचके, राजेश भोसले, योगेश शिरसाट, शर्मिष्ठा राऊत, हार्दिक जोशी आणि आदिती सारंगधर आदींचा समावेश आहे. तर मराठीतील सुपरस्टार भरत जाधव, अंकुश चौधरी, स्वप्निल जोशी, सिद्धार्थ जाधव, केदार शिंदे, सुबोध भावे, आदेश बांदेकर, मकरंद अनासपुरे, प्रसाद ओक आदी अभिनेते प्रचारात उतरताना दिसतील. तसंच प्राजक्ता माळी, सई ताम्हणकर, अमृता खानविलकर, सोनाली कुलकर्णी, नेहा पेंडसे, प्रिया बापट, स्पृहा जोशी यांच्यासह आदी अभिनेत्रीदेखील प्रचारात पाहायला मिळणार आहेत.
प्रचाराच्या रणधुमाळीत सेलिब्रिटींची मांदियाळी
