आयपीएलला टक्कर देणारी लीग

| न्युयॉर्क | वृत्तसंस्था |

आयपीएलचा पहिला सीझन एप्रिल 2008 मध्ये खेळला गेला. त्यात पाकिस्तानी क्रिकेटपटू खेळले. त्यानंतर नोव्हेंबर 2008 मध्ये मुंबईवर हल्ला झाला आणि पाकिस्तानी खेळाडूंना आयपीएलमधून बंदी घालण्यात आली. याचा बदला घेण्यासाठी पाकिस्तानने 2016 मध्ये स्वतःची लीग सुरू केली. खूप प्रयत्न केले गेले, पण 9 सीझननंतरही ही लीग आयपीएलच्या दर्जाच्याजवळ पोहोचली नाही. बिग बॅश लीग आणि द हंड्रेड यांनीही असेच प्रयत्न केले, पण अयशस्वी.

आता अमेरिका प्रथमच क्रिकेट विश्वचषकाचे आयोजन करणार आहे. 2 जूनपासून सुरू होणारा 9वा टी-20 विश्वचषक अमेरिका आणि वेस्ट इंडिज यांच्या संयुक्त विद्यमाने होणार आहे. यावेळी अमेरिका विश्वचषकाच्या माध्यमातून जागतिक क्रिकेटमध्ये आपले स्थान निर्माण करण्याचा प्रयत्न करत आहे. अमेरिका विश्वचषकाच्या निमित्ताने आपली फ्रँचायझी क्रिकेट लीग एमएलसी इतकी मोठी करण्याचा प्रयत्न करत आहे की ती आयपीएलशी स्पर्धा करू शकेल. एमएलसी म्हणजेच मेजर लीग क्रिकेटची सुरुवात गेल्या वर्षीच झाली. विश्वचषकानंतर त्याचा दुसरा हंगाम जुलैमध्ये खेळवला जाणार आहे.