चालत्या रिक्षावर झाड कोसळले

| पनवेल | प्रतिनिधी |

खारघर सेक्टर 7 मधील जीएसटी इमारत आणि साई मंदिर नाल्यालगतच्या रस्त्यावर महाकाय झाड चालत्या रिक्षेवर कोसळले. या अपघातात रिक्षाचे नुकसान झाले असून, प्रवासी थोडक्यात बचावले आहेत. रिक्षाचालक या घटनेत किरकोळ जखमी झाला आहे. झाडाच्या फांद्या आणि खोड रस्त्यावर पसरल्यामुळे वाहतुकीला अडथळा निर्माण झाला. तसेच, झाड कोसळताना विद्युत खांबाला धडक लागल्याने काही काळ वाहतूक बंद ठेवण्यात आली होती.