कार्लेखिंड रस्त्यावर टाकादेवी येथे वड कोसळला
अथक प्रयत्नाने वाहतूक सुरळीत
। सोगाव । वार्ताहर ।
अलिबाग तालुक्यातील कनकेश्‍वर फाटा ते कार्लेखिंड रस्त्यावर 8 जुलै रोजी दुपारच्या वेळी टाकादेवी येथे पावसामुळे वटवृक्ष उन्मळून पडल्याने वाहतूक ठप्प झाली होती. दोन तासांच्या अथक प्रयत्नाने सदर वटवृक्ष बाजूला करण्यात यश आले.
कनकेश्‍वर फाटा ते कार्लेखिंड दरम्यान टाकादेवी येथे दुपारच्यावेळी एक मोठा वटवृक्ष पावसामुळे उन्मळून पडले होते. यावेळी कोणतीही हानी झाली नाही, मात्र काही काळ वाहतूक ठप्प झाली होती. यावेळी रायगड जिल्हा काँग्रेस पक्षाचे उपाध्यक्ष व मापगाव ग्रामपंचायत माजी सरपंच सुनिल दशरथ थळे यांच्या मार्गदर्शनाखाली युवा नेता सुचित थळे यांनी स्वतःच्या जेसीबीच्या सहाय्याने दोन तासांच्या अथक प्रयत्नाने रस्ता मोकळा करत वाहतूक सुरळीत करण्यात यश मिळाले. यावेळी त्यांच्यासोबत अमित थळे, हेमंत थळे, सागर दळवी, प्रज्ञेश दळवी, प्रशांत घरत, जितेंद्र दळवी व इतर सहकारी उपस्थित होते.
याबद्दल या मार्गावरून प्रवास करणार्‍या प्रवाशांनी व वाहनचालकांनी तसेच या परिसरातील ग्रामस्थांनी सुनिल थळे, सूचित थळे व सहकार्‍यांचे आभार मानले.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.