तीन दशके फरारी असलेला आरोपी जेरबंद

माणगाव पोलिसांची कामगिरी
| माणगाव | प्रतिनिधी |
महिलेच्या खून करुन फरार झालेल्या आरोपीला तब्बल 31 वर्षानंतर जेरबंद करण्यात माणगाव पोलिसांना यश आले आहे. माणगांव तालुक्यातील कोस्ते बुद्रुक येथील शारदा उर्फ प्रमिला गणपत खैरकर ही महिला बेपत्ता होती. पोलीस तपासात ती घराच्या पाठीमागे असलेल्या गोबर गॅसच्या टाकीजवळ संशयास्पदरित्या मृतावस्थेत आढळली म्हणन पोलिसांनी खुनाचा गुन्हा दाखल केला.पोलीस तपासात तिचा दीर नामदेव गौरु खैरकर याची वाईट नजर तिच्यावर होती. त्यातून तो तिला त्रास देत असे. परंतु, मयत हिने सदर गोष्टीस प्रतिसाद न दिल्याने त्या गोष्टीचा आरोपीत यास राग आल्याने त्याने आपल्या भावजयीचा गळा आवळून खून केला आणि तो फरार झाला. त्याचा शोध पोलीस घेत होते.फरार आरोपी हा सातारा जिल्ह्यात लपून बसल्याची पक्की खबर माणगाव पोलिसांना मिळाली होती. तो कोरेगांव, जि.सातारा येथे राहत असल्याचे गोपनिय सुत्राद्वारे माहीती मिळाली. त्यानुसार विशेष पथक तयार करुन कोरेगाव पोलिसांच्या मदतीने आरोपीला जेरबंद करण्यात आले.माणगाव न्यायालयासमोर त्याला हजर केले असता 17 जून पर्यंत न्यायालयीन कोठडी सुनावली आहे.