आदित्य ठाकरेंची खारघर, कामोठेमध्ये दुचाकी रॅली

| पनवेल | प्रतिनिधी |

मावळ मतदारसंघाचे उमेदवार संजोग वाघेरे पाटील यांनी प्रचारात चांगलीच मुसंडी मारली आहे. पनवेल विधानसभा मतदारसंघातील खारघर आणि कामोठे विभागात शिवसेना (उद्धव बाळासाहेब ठाकरे) नेते युवासेना प्रमुख आदित्य ठाकरे दुचाकी रॅलीच्या माध्यमातून रोड शो करणार आहेत. 300 दुचाकी आणि चार चाकी वाहने या रोडमध्ये सहभागी होणार असल्याचे महाविकास आघाडीच्या नेत्यांनी पत्रकार परिषदेत सांगितले.

मंगळवार (दि. 7) मे रोजी खारघर येथील शिवसेना कार्यालयामध्ये आदित्य ठाकरे यांच्या रोड शो बद्दल माहिती देण्याकरता महाविकास आघाडीच्या वतीने पत्रकार परिषदेचे आयोजन करण्यात आले होते. यावेळी माजी आमदार बाळाराम पाटील, जिल्हा संपर्कप्रमुख बबनदादा पाटील, जिल्हाप्रमुख शिरीष घरत, काँग्रेस चे पनवेल शहर जिल्हाध्यक्ष सुदाम पाटील, समाजवादी पार्टीचे रायगड जिल्हा अध्यक्ष अनिल नाईक, पनवेल विधानसभा संपर्कप्रमुख वैभव सावंत, खारघर फोरमच्या लीनाताई गरड, कामगार नेत्या श्रुती म्हात्रे, पनवेल शहर जिल्हा अनुसूचित जाती जमाती च्या महिला आघाडी अध्यक्ष मायाताई अहिरे,ज्येष्ठ काँग्रेस नेते जी आर पाटील, युवा सेनेचे अवचित राऊत, ज्येष्ठ शिवसैनिक विष्णू गवळी, मधू पाटील आदी मान्यवर मंचावर उपस्थित होते.