तुम्हाला तुमच्या स्मार्टफोनचा स्फोट होण्याची भीती वाटतेय का? या स्टेप्स नक्की फॉलो करा…

स्मार्टफोन हा आपल्या सर्वांच्याच आयुष्याचा एक महत्त्वाचा भाग बनला आहे. आजकाल आपण घरातील किराणा मागवण्यापासून ते विजेचे बिल भरण्यापर्यंत सर्वच कामे फोन वरून करतो. परंतु अनेकदा स्मार्टफोनचा ब्लास्ट झाल्याच्या घटनाही आपण ऐकतो. मात्र फोनमध्ये असे काय असते ज्यामुळे त्याचा स्फोट होतो.
अशा काही पद्धती आणि खबरदारी आहे ज्याद्वारे आपण स्मार्टफोनचा ब्लास्ट होण्यापासून रोखू शकतो.
१. तुम्ही फोन चार्ज कराल तेव्हा फोन पूर्णपणे चार्ज झाल्यावर तो चार्जिंगवरून काढून टाका.
२. फोन चार्ज होत असताना फोनवर कोणताही मूव्ही बघू नये किंवा गेम खेळू नये. असे करणे घातक ठरू शकते. यामुळे तुमच्या फोनच्या बॅटरीचे तापमान वाढू शकते. असेही, चार्जिंग दरम्यान फोनचे तापमान आधीच वाढलेले असते आणि तो गरम झालेला असतो.
३. आपला फोन नेहमी त्याच कंपनीच्या ओरिजिनल चार्जरने चार्ज करावा. कोणत्याही दुसऱ्या कंपनीचा किंवा लोकल चार्जरने फोन चार्ज करू नये. हे देखील फोनसाठी हानिकारक ठरू शकते.
४. अनेकवेळा फोनमध्ये दिलेल्या लिथियम-आयन बॅटरीमध्ये बिघाड झाल्यामुळे फोनचा स्फोट होतो. सदोष घटक किंवा अयोग्य असेंब्लीमुळे बॅटरी खराब होऊ शकते आणि स्फोट होऊ शकते. असे म्हटले जाते की स्वस्त बॅटरीचा स्फोट होण्याची शक्यता जास्त असते.
५. स्मार्टफोनचा स्फोट होण्याचे आणखी एक कारण म्हणजे बॅटरीची भौतिक स्थिती. कधीकधी फोन खाली पडतो आणि त्यामुळे बॅटरी खराब होते. यामुळे बॅटरीची रासायनिक किंवा अंतर्गत यांत्रिक रचना बदलते आणि यामुळे शॉर्ट सर्किट, बॅटरी जास्त गरम होणे यासारख्या गोष्टी होऊ शकतात. बॅटरी खराब झाल्यानंतर ती अनेक वेळा फुगते.