माजी विद्यार्थ्यांचा स्नेह मेळावा

। वाघ्रण । वार्ताहर ।

माध्यमिक विद्या मंदीर फोफेरी हायस्कूलच्या सन 1983-84 च्या इयत्ता दहावीच्या विद्यार्थ्यांचा स्नेह मेळावा रविवारी (दि.26) भुवनेश्‍वर येथे संपन्न झाला.

या वेळी कार्यक्रमाची सुरुवात प्रार्थनेने झाली. त्या नंतर नियोजित अध्यक्ष निवृत्त मुख्याध्यापक अनंत के. मोकल आणि कार्यक्रमाला उपस्थित सर्व निवृत्त शिक्षकांनी गणेश मुर्ती व सरस्वती मुर्तीचे पूजन केले. विद्यार्थी आणि विद्यार्थीनींनी या सर्व शिक्षकांचे गुलाब पुष्प देऊन स्वागत केले. तसेच, माजी विद्यार्थी प्रतिनिधी मच्छींद्र पाटील, सविता पाटील, जयवत वाणी व संजिवनी यांनी ईशस्तवन स्वागत गीत सादर केले. कार्यक्रमाचे प्रास्ताविक माजी विद्यार्थी उदय पाटील यांनी करताना हा स्नेह मेळावा होण्यासाठी गेले दोन वर्ष घेतलेली मेहनत केलेल्या सर्व विद्यार्थ्याचे कौतुक करताना 40 वर्षा पूर्वीच्या आठवणींना उजाळा दिला.