ज्येष्ठ नागरिकाचा अपघाती मृत्यू
। पनवेल । वार्ताहर ।
खारघर मधील उत्सव सर्कल जवळ भरधाव सिमेंट काँक्रिट बल्करने मोटारसायकलला धडक दिल्याने झालेल्या अपघातात मोटारसायकलवरील व्यक्ती सिमेंट बल्करच्या चाकाखाली आल्याने त्यांचा जागीच मृत्यू झाल्याची घटना घडली आहे. खारघर पोलिसांनी या अपघाताला जबाबदार असलेल्या सिमेंट बल्कर चालकाविरोधात गुन्हा दाखल करुन त्याला ताब्यात घेतले आहे.
या अपघातात मृत झालेल्या व्यक्तीचे नाव अशोक मादापाटील (66) असे असून ते खारघर, सेक्टर-12 मधील सनसफल सोसायटीत कुटुंबासह राहत होते. अशोक मादापाटील कामानिमत्त आपल्या मोटारसायकलवरुन सेंट्रल पार्क कडून खारघर हायवेकडे जात होते. यावेळी उत्सव चौकातील वळणावर सिमेंट बल्कर वाहनाने त्यांच्या मोटारसायकलला धडक दिली. त्यामुळे ते मोटारसायकलसह सिमेंट बल्करखाली आले. या अपघातात अशोक मादापाटील गंभीर जखमी झाल्याने त्यांचा जागीच मृत्यू झाला. या अपघातानंतर खारघर पोलिसांनी सिमेंट बल्कर वाहन चालकाविरोधात गुन्हा दाखल करुन त्याला ताब्यात आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.