अन्‌‍ इर्शाळवाडीवासियांच्या चेहऱ्यावर फुलले हसू

इमॅजिका परिवाराकडून एकदिवसीय सहलीचे आयोजन

| खोपोली | प्रतिनिधी |

दुर्घटनाग्रस्त इर्शाळवाडीवासियांच्या आयुष्यात हरपलेल्या आनंदाला परत आणण्याचा किंचितसा प्रयत्न म्हणून इमॅजिका (मालपाणी) ग्रुपचे मालक मनीष मालपाणी आणि जय मालपाणी तसेच इमॅजिका मॅनेजमेंटकडून एकदिवसीय सहलीचे आयोजन केले होते.

इमॅजिका (मालपाणी) परिवाराकडून सहलीसाठी आलेल्या लहानथोर इर्शाळवाडीवासियांचे जोरदार स्वागत करण्यात आले. आंतरराष्ट्रीय दर्जाच्या राईड्समधून सफर करत, विविध खेळांत रमून जात, मनोरंजनाच्या साधनांचा उपभोग घेत आणि मनसोक्त मेजवानीचा स्वाद घेतल्यानंतर प्रत्येकाच्या चेहऱ्यावर समाधान पसरलेले दिसून येत होते.
या कौटुंबिक सहलीच्या आयोजनातून आपण काही क्षणांसाठी का होईना, इर्शाळवाडीवासियांना त्या दुर्घटनेच्या धक्क्यातून बाहेर काढण्यात यशस्वी झाल्याचे प्रतिपादन इमॅजिका (मालपाणी) परिवाराकडून करण्यात आले.