आंध्र प्रदेशच्या मुख्यमंत्र्यांवर रोड ‘शो’ दरम्यान दगडफेक
। विजयवाडा । वृत्तसंस्था ।
निवडणूक काळात प्रचारासाठी आणि लोकांशी संवाद साधण्यासाठी जगनमोहन रेड्डी यांनी ‘मेमंथा सिद्धम’ बस यात्रा सुरू केली आहे. ही यात्रा शनिवारी (दि.13) रात्री विजयवाडा पोहोचल्यावर ते लोकांना अभिवादन करत होते. त्याचवेळी यांच्यावर दगडफेक झाली.
जगनमोहन रेड्डींच्या डोक्याला दुखापत झाली आहे. तर यावेळी त्यांच्याबरोबर उपस्थित असलेले आमदार वेल्लमपल्ली यांच्या डाव्या डोळ्याला इजा झाली आहे. बसमध्येच डॉक्टरांनी जगनमोहन रेड्डींवर प्रथमोपचार केले. प्रथमोपचारानंतर मुख्यमंत्री रेड्डी यांनी त्यांची बस यात्रा चालू केली. जगनमोहन रेड्डी विजयवाडामधील सिंहनगर येथे रोड शो करत होते. त्यांची ‘मेमंथा सिद्धम’ बस यात्रा तिथे दाखल झाली होती. त्यावेळी बसवर चढून जगनमोहन रेड्डी लोकांना अभिवादन करत होते. तसेच लोकांचा जल्लोष पाहत होते. त्यांचा ताफा विवेकानंद शाळेजवळ पोहोचला. त्याच ठिकणी त्यांच्या ताफ्यावर दगडफेक झाली. यावेळी एक दगड त्यांच्या डाव्या डोळ्याच्या भुवईजवळ लागला आणि जखम झाली. जखमेतून भळाभळा रक्त वाहू लगलं.
त्यावेळी तिथे उपस्थित असलेले सुरक्षारक्षक आणि वायएसआरच्या पदाधिकार्‍यांनी जगनमोहन रेड्डींना बसमध्ये नेलं. बसमध्येच त्यांच्यावर प्रथमोपचार करण्यात आले. प्रथमोपचार घेतल्यानंतर जगनमोहन यांनी पुन्हा एकदा लोकांना अभिवादन केलं आणि त्यांची बस यात्रा पुढे नेली. जगनमोहन रेड्डींच्या ताफ्यावर दगडफेक झाली तेव्हा त्यांच्याबरोबर तिथे उपस्थित असलेले आमदार वेल्लमपल्ली यांच्या डाव्या डोळ्याला दगड लागून गंभीर इजा झाली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.