शरद पवार यांचे निकटवर्तीय अनिरुद्ध देशपांडे यांच्या मालमत्तेवर आयकर विभागाकडून छापेमारी
पुण्यात सहा ठिकाणी छापेमारी सुरू असून रायगड जिल्ह्यातील केळतवाडी फार्म येथे देखील धाड
। अलिबाग । विशेष प्रतिनिधी ।
साधारण 14 वाहने भरून अधिकारी आणि पोलीस तेथे आले आहेत. अनिरुद्ध देशपांडे यांच्या पुणे आणि केळत येथिल मालमत्तेवर एकाचवेळी धाडी पडल्या असल्याचे समजते आहे. सिटी कॉर्पोरेशनचे अनिरुद्ध देशपांडे हे पुण्यातील बडे उद्योजक आहेत. सिटी कॉर्पोरेशनचे डायरेक्टर आणि अमनोरा पार्कचे सर्वेसर्वा आहेत. अनिरुद्ध देशपांडे यांच्या पुण्यातील घराची तसेच कार्यालयाची झाडाझडती भल्या पहाटेपासूनच सुरू करण्यात आल्याची माहिती मिळत आहे.
आयकर विभागाकडून देशपांडे यांच्या कार्यालयासह घर आणि अन्य ठिकाणी देखील ही तपासणी केली जात आहे. आर्थिक गैरव्यवहाराच्या संशयातून ही तपासणी केली जात असल्याची प्राथमिक माहिती आहे. पुण्यातील बडे उद्योजक असलेल्या देशपांडे यांच्यावर आयकर विभागाची छापीमारी झाल्यामुळे पुण्यातील उद्योग विश्वात खळबळ उडाली आहे. देशपांडे हे राष्ट्रवादीचे सर्वेसर्वा शरद पवार यांचे निकटवर्तीय मानले जातात. त्यासोबतच त्यांचे अनेक बड्या राजकीय नेत्यांशी सलोख्याचे संबंध असल्याचं बोललं जात आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.