बिनविरोध झाली निवड
। अलिबाग । विशेष प्रतिनिधी ।
तालुक्यातील खंडाळे गु्रप ग्रामपंचायतीच्या उपसरपंच पदी शेकापक्षाचे सदस्य अशोक थळे यांची बिनविरोध निवड करण्यात आली. त्यांच्या या निवडीबद्दल संपूर्ण तालुक्यातून त्यांच्यावर अभिनंदनाचा वर्षाव केला जात आहे.
सरपंच रंजना रवींद्र नाईक यांच्या अध्यक्षतेखाली बोलावण्यात आलेल्या गु्रप ग्रामपंचायतीच्या विशेष सभेत ही निवड करण्यात आली. मावळते उपसरपंच विनोद पाटील यांनी राजिनामा दिल्यानंतर रिक्त जागेसाठी निवड करण्यात आली. यावेळी उपसरपंच पदासाठी शेकापक्षाच्या अशोक थळे यांचा एकमेव अर्ज आल्याने त्यांची बिनविरोध निवड झाल्याचे सरपंच रंजना नाईक यांनी जाहीर केले. सदर निवड होताच शेकाप नेते जिल्हा परिषदेचे माजी सदस्य संजय पाटील यांनी अशोक थळे यांचे पुष्पगुच्छ देऊन अभिनंदन केले. यावेळी अजित माळी, नागेश कुलकर्णी, विलास वालेकर, माजी सरपंच संतोष गुरव, माजी सरपंच नम्रता पाटील, माजी सरपंच नचिकेत कावजी, तंटामुक्ती समिती अध्यक्ष बबन पाटील, सतीश म्हात्रे लोणारे आदी उपस्थित होते. यावेळी मार्गदर्शन करताना संजय पाटील म्हणाले की, गावाच्या विकासासाठी सर्वांनी एकजुटीने काम करा. शेकापक्षाच्या माध्यमातून खंडाळा परिसरात जास्तीत जास्त विकासकामे करण्यासाठी आपण प्रयत्न करु अशी ग्वाही देखील त्यांनी यावेळी दिली.
यावेळी मावळते उपसरपंच विनोद पाटील, नरेश गोंधळी, माजी उपसरपंच, संतोष कनगुटकर, रजिता पाटील, समीक्षा पाटील, वैदेही थळे, सानिया पाटील, अरुणा राऊत, सुचिता कावजी, मंदा नाईक, अस्मिता नाईक, ग्रामसेवक शेखर बळी, यांच्यासह कर्मचारी वृंद
उपस्थित होता.