सुभाष पुजारी भारतीय पोलीसमधील सर्वोत्कृष्ट बॉडीबिल्डर; 80 किला वजनी गटात पटकाविले सुवर्णपदक
| पनवेल | वार्ताहर |
71 व्या ऑल इंडिया पोलीस गेम 2022 पुणे या ठिकाणी घेण्यात आलेल्या शरीरसौष्टव स्पर्धेमध्ये सहाय्यक पोलीस निरीक्षक सुभाष पुजारी महामार्ग पोलिस यांनी 80 किलो वजनी गटामध्ये सुवर्णपदक मिळवले, तसेच चॅम्पियन ऑफ चॅम्पियन भारतीय पोलीसमधील मानाचा किताब पटकावून भारतीय पोलीसमधील सर्वोत्कृष्ट बॉडीबिल्डर होण्याचा मान मिळविला. व महाराष्ट्राची महाराष्ट्र पोलिस दलाची मान अभिमानाने उंचावली आहे.
सुभाष पुजारी हे या स्पर्धेसाठी दररोज सहा तास मिस्टर ऑलिम्पिया सुनीत जाधव यांच्या मार्गदर्शनाखाली नेरुळ व कोअर जिम खारघर या ठिकाणी सराव करीत होते. या स्पर्धेसाठी 36 संघांनी व 2500 खेळाडूंनी सहभाग नोंदविला. या स्पर्धेसाठी त्यांना चेतन पाठारे वर्ल्ड बॉडीबिल्डींगचे सेक्रेटरी, विक्रम रोठे वर्ल्ड बॉडीबिल्डिंग लिगल अ‍ॅडव्हायझर व प्रशांत आपटे साऊथ एशिया बॉडीबिल्डिंग संघटनेचे अध्यक्ष, पत्नी रागिणी पुजारी, सुदर्शन खेडेकर डोंबिवली व सागर डमाळे यांचे विशेष मार्गदर्शन लाभले.
यापूर्वी त्यांनी जुलै 2022 मालदिव येथे झालेलया मि. एशिया बॉडीबिल्डिंग स्पर्धेमध्ये सुवर्णपदक मिळवले आहे. ताश्कंद उझबेकिस्तान या ठिकाणी झालेल्या मिस्टर वर्ल्ड बॉडी बिल्डिंग स्पर्धेमध्ये कांस्यपदक मिळविले होते. तसेच सलग दोन वेळा ‘भारत श्री’ व ‘महाराष्ट्र श्री’ हा किताबसुद्धा त्यांनी मिळवलेला आहे. दि. 6 ते 12 डिसेंबरदरम्यान थायलंड फुंकेत या ठिकाणी होणार्‍या ‘मि. वर्ल्ड’ स्पर्धेसाठी भारतीय संघातून त्यांची निवड करण्यात आली आहे.
दरम्यान, उपमुख्यमंत्री देवेंद्र फडणवीस यांच्या हस्ते पारितोषक वितरण करण्यात आले. यावेळी मंत्री चंद्रकांत पाटील, गिरीष महाजन उपसथित होते. त्यांच्या या यशाबद्दल पोलीस महासंचालक रजनीश शेठ, पोलीस महासंचालक हेमंत नगराळे, डॉ. भूषणकुमार उपाध्याय, पोलीस आयुक्त नवी मुंबई बिपिनकुमार सिंग, अप्पर पोलिस महासंचालक विनय कारगावकर, अप्पर पोलीस महासंचालक (प्रशासन) अनुपकुमार सिंह, पोलीस महानिरीक्षक (प्रशासन) जय कुमार, अप्पर पोलीस आयुक्त नवी मुंबई डॉ. जय जाधव, अप्पर पोलीस आयुक्त मुंबई शहर दिलीप सावंत, अ‍ॅडिशनल पोलीस कमिशनर ठाणे शहर संजय जाधव, आ. रोहित पवार, पनवेल महापालिकेचे माजी विरोधी पक्षनेते प्रीतम म्हात्रे, तसेच पोलीस खात्यातील वरिष्ठ अधिकारी व त्यांचे सहकारी मित्र, सामाजिक व राजकीय क्षेत्रातील विविध मान्यवरांनी त्यांचे विशेष अभिनंदन केले.