हेल्मेटचे वाटप करून वाहतूक नियमांबाबत जनजागृती

| उरण | प्रतिनिधी |

राष्ट्रीय सुरक्षा सप्ताहाच्या उपक्रमांतर्गत नाव्हाशेवा वाहतूक शाखा आणि आयसीआयसीआय लोम्बार्ड व सेवा सहयोग फाऊंडेशन यांच्या संयुक्त विद्यमाने वाहतुकीचे प्रबोधन कार्यक्रम आयोजित करण्यात आला होता. या कार्यक्रमात 100 हेल्मेटचे वाटप करून वाहतुकीच्या नियमांबाबत नागरिकांना जागरूक करण्यात आले.

कार्यक्रमाचे मार्गदर्शक व.पो.नि. वैशाली गलांडे, आयसीआयसीआय लोम्बार्ड व सेवा सहयोग फाऊंडेशन यांच्या वतीने विनय बर्वे, रेश्मा पट्टम, प्रशांत उपहार यांनी नागरिकांना वाहतुकीच्या नियमांबाबत सविस्तर माहिती दिली आणि हेल्मेट वापराचे महत्त्व समजावून सांगितले. या कार्यक्रमात सुमारे 100 ते 129 नागरिकांनी भाग घेतला होता.

आयसीआयसीआय लोम्बार्ड व सेवा सहयोग फाऊंडेशन यांच्या सहकार्याने ‘राईड टू सेफ्टी’ हा उपक्रम घेण्यात आला. या उपक्रमाचा एक भाग म्हणून हा कार्यक्रम आयोजित करण्यात आला होता. या कार्यक्रमाच्या आयोजनामुळे नागरिकांना वाहतुकीच्या नियमांबाबत माहिती मिळाली आणि त्यांना सुरक्षित वाहतुकीच्या पद्धती शिकवल्या गेल्या. या कार्यक्रमाचा परिणाम म्हणून नागरिक भविष्यात सुरक्षित वाहतुकीच्या नियमांचे पालन करतील, अशी आशा यावेळी व्यक्त करण्यात आली.