ट्रकच्या धडकेत दुचाकीस्वाराचा मृत्यू; संतप्त जमावाने ट्रक दिला पेटवून
। रत्नागिरी । प्रतिनिधी ।
निवळी-जयगड मार्गावरील चाफे येथे मंगळवारी (दि. 01) साडेअकराच्या सुमारास भीषण अपघात झाला. या अपघातात खंडाळा येथील तरुण किरण पागदे (खंडाळा, वाटद) या दुचाकीस्वाराचा जागीच मृत्यू झाला. या घटनेनंतर संतप्त जमावाने अपघात करणारा ट्रक पेटवून दिला.
चाफे गावाजवळील निवळी-जयगड मार्गावर हा अपघात घडला. ट्रकने दुचाकीला जोरदार धडक दिल्यानंतर मोटारसायकलस्वाराला तब्बल चारशे फुट फरफटत नेल्याचे प्रत्यक्षदर्शीनी सांगितले. या भीषण धडकेत दुचाकीस्वाराचा जागीच मृत्यू झाला. मृत तरुण हा खंडाळा येथील रहिवासी असल्याची प्राथमिक माहिती आहे. अपघाताचे नेमके कारण अद्याप स्पष्ट झालेले नाही, परंतु ट्रकच्या बेदरकार चालकामुळे ही दुर्घटना घडल्याचा आरोप स्थानिकांनी केला आहे.
अपघाताची माहिती मिळताच परिसरातील नागरिकांनी घटनास्थळी धाव घेतली. दुचाकीस्वाराचा मृतदेह रस्त्यावर पडलेला पाहून संतप्त जमावाने ट्रक पेटवून दिला. यामुळे काही काळ परिसरात तणावाचे वातावरण निर्माण झाले. स्थानिक पोलिसांनी घटनास्थळी पोहोचून परिस्थिती नियंत्रणात आणण्याचा प्रयत्न केला. परंतु, ग्रामस्थांमध्ये संतापाचे वातावरण असून नियम तोडून बेफान वाहने चालविण्यांवर कारवाईची मागणी होत आहे.
Related Posts
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.