५००० चोरून अज्ञात चोरटा फरार
। माणगाव । वार्ताहर ।
माणगाव शहरासह तालुक्यात घरफोडीचे धाडसत्र सुरूच असून तालुक्यातील निजामपूर गावातील शिर्की आळीत घराच्या दरवाजाचे कोणत्यातरी हत्याराने कडीकोयंढा तोडून घरात प्रवेश करून अज्ञात चोरट्याने घरातील पाच हजार रुपये रोख रक्कम चोरली तसेच अन्य पाच लोकांचे गोडाऊनच्या घराचा कडीकोयंढा तोडून चोरी केली. याबाबतची फिर्याद जनार्दन दगडू मोरे (वय-४९) रा.निजामपूर शिर्की आळी ता. माणगाव यांनी माणगाव पोलीस ठाण्यात दिली.
सदर गुन्ह्याबाबत माणगाव पोलीस सूत्रांकडून मिळालेली माहिती अशी कि, गुन्ह्यातील अज्ञात चोरट्याने फिर्यादी जनार्दन दगडू मोरे यांच्या भाड्याच्या राहते घराच्या दरवाजाचे कोणत्यातरी हत्याराने कडीकोयंढा तोडून तेथून घरात प्रवेश करून फिर्यादी यांच्या मालकीचे पाच हजार रुपयांची रोख रक्कम घरफोडी चोरी करून नेली. तसेच फिर्यादीच्या खालील रूममधील राहत असलेले भाडेकरू नितीन खैरनार यांचे घरात, शिर्की आळी येथील विजय अनंत कोळवणकर यांचे घराच्या शेजारी असलेले मंगेश दयाराम कोळवणकर यांचे गोडाऊन, नथुराम शिर्के यांचे जानकी निवास व शोभा प्रभाकर वडके यांच्या घराचा कडीकोयंढा तोडून घरात प्रवेश करून घरफोडी चोरी करुन अज्ञात चोरटा फरार झाला आहे. या गुन्ह्याची माहिती मिळताच माणगाव तालुक्याचे उपविभागीय पोलीस अधिकारी प्रवीण पाटील, माणगाव पोलीस ठाण्याचे पोलीस निरीक्षक राजेंद्र पाटील यांनी घटनास्थळी भेट दिली.”
या गुन्ह्याची नोंद माणगाव पोलीस ठाण्यात कॉ.गु.रजि.नं.२०३/२०२२ भादवि संहिता कलम४५४, ४५७,३८० प्रमाणे करण्यात येऊन अज्ञात चोरट्यावर गुन्हा दाखल करण्यात आला आहे.सदर गुन्ह्याचा अधिक तपास पोलीस निरीक्षक राजेंद्र पाटील यांच्या मार्गदर्शनाखाली पोलीस हवालदार श्री.तुणतुणे हे करीत आहेत
माणगावमधील निजामपूर गावात घरफोडी
