दागिन्यांसह पिस्तुल केले हस्तगत

। पनवेल । वार्ताहर ।

कळंबोली पोलीस ठाणे हद्दीत कोबिंग ऑपरेशन व ऑल आउट ऑपरेशन राबविण्यात आले. त्यामध्ये कळंबोली पोलिसांनी सोन्याच्या दागिन्यांसह देशीबनावटीचे पिस्तुल व तलवार हस्तगत केले आहे. अरबाज शेख यांच्या ताब्यातून 30,000 रूपये किंमतीचे देशी बनावटीचे मॅगझीन असलेले स्टील धातुचे 1 पिस्तुल व 3000 रूपये किमतीची 3 पितळी जिवंत काडतुसे हस्तगत करण्यात आली. अश्‍वीन सुर्यवंशी यांचेकडुन 19 इंच लांबीची तलवार हस्तगत करण्यात आली आहे. अरमानसिंग रंधवा यांच्याकडुन एकूण 1,26000 रूपये किमतीचे सोन्याचे दागिने हस्तगत करण्यात आले आहेत.