कारला महामार्गावर अपघात; पोलिसाचा मृत्यू

| कणकवली | वार्ताहर |

वैभववाडी तालुक्यातील रहिवासी आणि सिंधुदुर्ग पोलिस सेवेतील कर्मचारी यशवंत उर्फ अभिजीत भास्कर तांबे (35)ओरोस येथून वैभववाडी येथे घरी परत असताना मुंबई- गोवा महामार्गावरील नांदगाव येथे त्यांच्या कारचा अपघात झाला. या अपघातात त्यांचा मृत्यू झाला.

घरी परतताना रात्रीच्या वेळी रस्त्याच्या अंदाज न आल्याने कार महामार्गाच्या दुभाजकावर धडकली. या अपघातात अभिजीत तांबे यांचा मृत्यू झाला. तर दोघे किरकोळ जखमी झाले आहेत. जखमींना कणकवली उपजिल्हा रुग्णालयात उपचारासाठी दाखल करण्यात आले आहे. या घटनेची माहिती समजतात कणकवली पोलिस आणि वाहतूक पोलिस यांनी घटनास्थळी धाव घेत मदत कार्य केले. पुढील तपास पोलीस करीत आहेत.