सफाई कामगारांना मिळणार मोफत घरे
महानगरपालिकेच्या सर्वसाधारण सभेत प्रस्ताव, 25 वर्षे सेवा केलेल्यांना प्राधान्य
। पनवेल । वार्ताहर ।
पनवेल शहरातील झोपड़पट्टी पुनर्वासन यासाठी पंतप्रधान आवास योजने अंतर्गत मजूर झालेल्या प्रकल्पाच्या योजनेतून पनवेल महानगरपालिकेच्या सेवेत असलेल्या सफाई कामगारांना शासनाच्या डॉ. बाबासाहेब आंबेडकर श्रमसाफल्य योजना मोफत घरे देण्याचा प्रस्ताव पालिके कडून तयार आला असून या प्रस्तावावर पालिकेच्या सर्वसाधारण सभेत चर्चा होऊन मंजुरीसाठी ठेवण्यात आला आहे. या योजनेमार्फत 325 कामगारांना घरे अगदी मोफत मिळणार आहे.
पनवेल महानगरपालिकेच्या स्थापने नंतर अवघ्या पाच वर्ष्याच्या कालावधी नंतर, नव्याने विकसित होणार्या पालिकेच्या ड्रीम प्रोजेक्ट्स पैकी आवास योजना ही आता साकारण्यात येणार आहे. त्या साठी आवश्यक असणार्या बाबी पूर्ण करण्यात आल्या असून हा प्रस्ताव पालिकेच्या महासभेत मंजुरीसाठी ठेवण्यात येणार आहे. या पंतप्रधान आवास योजने उभा करण्यात येणार्या सदनिका या झोपडपट्टी पुर्नवसनासाठी असणार्या आहेत. या कामगारांना अगदी मोफत घरे दिली जाणार आहे. त्या साठी 25 वर्ष सेवा झालेल्यांना ही सेवा देण्यात येईल. तसेच सेवा निवृत्तीच्या वेळेस जे कामगार मृत पावले आहेत. अशा पात्र मृतांच्या वारसांना ही घरे देण्यात येणार आहे.
25 वर्ष सेवा झालेल्या कामगारांना मालकी तत्त्वावर घरे देण्यात येणार आहे. तर 25 वर्षा पेक्षा कमी सेवा झालेल्या कामगारांना भाडे तत्त्वावर घरे देण्यात येणार आहे. हे भाडे 25 वर्ष सेवा पूर्ण झाल्या नंतर बंद होऊन ही घरे मालकीचे होणार आहे. ही मोफत घरे देण्यासाठी डॉ. बाबसाहेब आंबेडकर श्रमसाफल्य योजने चा वापर करण्यात येणार आहे.या योजने अंतर्गत एका कामगारांच्या मागे पालिकेला 4 लाख 25 हजाराचा अनुदान मिळणार आहे. या अनुदाना व्यतिरक्त येणारा खर्च पालिका स्वतः करणार आहे. त्यामुळे पालिकेवर 971.27 कोटीचा आर्थिक बोजा पडणार आहे. तसेच काही कामगारांना पंतप्रधान आवास योजने मधून अडीच लाखाचे अनुदान मिळणार आहे. हा प्रस्तवा पालिके कडून तयार करण्यात आला असून पालिकेच्या महासभेत मंजूरीसाठी ठेवण्यात येणार आहे. पालिकेच्या मंजुरी नंतर महाराष्ट्रा शासन दरबारी अंतीम मंजुरीसाठी ठेवण्यात येणार आहे.
296 चै. फूटाची मिळणार मोफत घरे
पनवेल महानगरपालिकेच्या सेवेत असलेल्या 325 सफाई कामगारांना पालिकेच्या माध्यमातून उभा करण्यात येणार्या पंतप्रधान आवास योजनेमध्ये 296 चै. फूट क्षेत्राच्या सदनिका डॉ. बाबासाहेब आंबेडकर श्रमसाफल्य योजने अंतर्गत अगदी मोफत देण्यात येणार आहे. त्या साठी पालिकेच्या मार्फत काही नियमावली घोषीत करण्यात आली आहे.
पालिकेवर 971.25 कोटींचा आर्थिक बोजा
या योजने अंतर्गत 100 कामगारांना सदनिका देण्यात देणार आहे. त्यासाठी 1300 लाखाचा खर्च येणार आहे. त्यापैकी या सदनिकाना आवास योजने मार्फत मिळणार्या 4.45 लाखाचे अनुदान मिळणार आहे. या अनुदाना मधून पालिकेला 328.85 रुपयांचे अनुदान मिळणार आहे. ही रक्कम वजा करता 971. 25 कोटींचा आर्थिक बोजा पालिकेवर पडला आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.