एक टन कचरा केला गोळा
| मुरूड जंजिरा | वार्ताहर |
महात्मा गांधी जयंती आणि लाल बहादूर जयंतीनिमित्त ग्रामस्वच्छता अभियानांतर्गत मुरूड तालुक्यातील काशीद बीचवर स्वच्छता मोहीम यशस्वी करण्यात आली. बिचवरील पालापाचोळा, कचरा, प्लास्टिक बाटल्या आदी विविध प्रकाराचा सुमारे एक टन कचरा गोळा करून विल्हेवाट लावण्यात येऊन बीच स्वच्छ करण्यात आल्याचे जेष्ठ सामाजिक कार्यकर्ते सूर्यकांत जंगम यांनी सांगितले.
सदर मोहीम यशस्वी होण्यासाठी संत गाडगेबाबा ग्राम स्वच्छता ग्रुप ग्राम. काशीद यांचे पुढाकाराने माध्यमिक विद्यालय काशीद, सर्व शाळा, अंगणवाडी कर्मचारी, विद्यार्थी, ग्रामपंचायत सदस्य, स्थानिक पदाधिकारी, स्टॉल्सधारक आणि ग्रामस्थ यांनी स्वच्छता मोहिमेत सहभागी झाले होते.