चोंढी येथे रंगले कबड्डीचे सामने
प्रसाद गायकवाड मित्रमंडळाचे आयोजन
आस्वाद पाटील यांची उपस्थिती
। सोगाव । वार्ताहर ।
छत्रपती शिवाजी महाराज यांच्या जयंती निमित्ताने अलिबाग तालुक्यातील चोंढी येथील प्रसाद (पिंट्या) गायकवाड मित्र मंडळ यांच्यातर्फे स्व.मधुकर ठाकूर (पप्पा) स्मृती चषक 2022 आयोजित् पंचक्रोशीतील भव्य अशा कबड्डी स्पर्धेचे शनिवारी (दि.19) रोजी आयोजन केले आहे. यावेळी आस्वाद पाटील कार्यवाह, महाराष्ट्र कबड्डी असोसिएशन यांनी उपस्थिती दर्शवत स्पर्धेत उत्साह भरला.
भव्यदिव्य कबड्डी स्पर्धेचे उद्घाटन खासदार सुनिल तटकरे यांच्या हस्ते करण्यात आले. यावेळी उपस्थित रायगड जिल्हा काँग्रेस कमिटी उपाध्यक्ष प्रवीण ठाकूर, रायगड जिल्हा ओबीसी सेल अध्यक्ष सुनिल थळे, माजी जिल्हा प्रतोद काका ठाकूर, काँग्रेस नेते राजा ठाकूर, ज्येष्ठ सामाजिक कार्यकर्ते सुधीर गायकवाड, किहीम ग्रामपंचायत सदस्य प्रसाद गायकवाड, ग्रुप ग्रामपंचायत किहीमचे माजी उपसरपंच पप्या दळवी, सारळ ग्रामपंचायतीचे माजी सरपंच अमित नाईक आदी मान्यवर यावेळी उपस्थित होते.
यावेळी पिंट्या गायकवाड यांच्या संपर्क कार्यालयाचे उद्घाटन खासदार सुनिल तटकरे यांच्या हस्ते करण्यात आले. यावेळी अनेक मान्यवरांचा सत्कार करण्यात आला, विशेषतः कोरोनाकाळात चोंढी परिसरातील डॉक्टरांनी जिवाची पर्वा न करता उल्लेखनीय कार्य केल्याबद्दल डॉ. प्रतिभा म्हात्रे, डॉ.अभय जैन, डॉ.सुभाष म्हात्रे आदी मान्यवरांचा विशेष सत्कार करण्यात आला. खासदार सुनिल तटकरे यांनी कोरोनकाळात डॉक्टरांनी केलेल्या कार्याचा गौरव केला व या मान्यवरांचा सत्कार मला करायला मिळाला हे मी माझे भाग्य समजतो, असे भावुक उद्गार काढले. यावेळी पिंट्या गायकवाड यांनी केलेल्या अनेक निस्वार्थी कार्याचा गौरव केला,तसेच पुढील वाटचालीसाठी शुभेच्छा दिल्या.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.