सायकलींच्या वाटपातून शिक्षणाला ‘दिलासा’

। नवीन पनवेल । वार्ताहर ।
दिलासा फाऊंडेशन, पनवेलतर्फे पनवेल तालुक्यातील केवाळे येथील सुधागड एज्युकेशन सोसायटीच्या शाळेतील आदिवासी मुलींना 15 सायकलींचे वाटप करण्यात आले. यावेळी संस्थेचे अध्यक्ष अ‍ॅड. मनोहर सचदेव, सचिव मयूर तांबडे, सहसचिव बाळाराम रोडपालकर, सदस्य ऍड. नागेश हिरवे, मुख्याध्यापक लहू तातरे, एकनाथ फडके, सुभाष चौधरी, शाळेचे चेअरमन मीलन पालकर, भारत पालकर, केशव माळी, सामाजिक कार्यकर्ते रवींद्र पाटील यांच्यासह अनेक जण उपस्थित होते.

गरजू नागरिकांना सायकल मिळावी, यासाठी दिलासा फाऊंडेशनने नागरिकांना आवाहन केले होते. त्याला चांगला प्रतिसाद मिळाला आणि 15 सायकली जमा झाल्या. या 15 सायकलींचे वाटप केवाळे येथील सुधागड एज्युकेशन सोसायटीच्या शाळेत करण्यात आले. मुख्याध्यापक लहू तातरे यांनी दिलासा फाऊंडेशनच्या उपक्रमाचे कौतुक केले व दिलासा फाऊंडेशनच्या पदाधिकार्‍यांनी चांगला उपक्रम राबवला असल्याचे आवर्जून नमूद केले. यावेळी संस्थेचे अध्यक्ष अ‍ॅड. मनोहर सचदेव, उपाध्यक्ष डॉ. कृष्णा देसाई, सचिव मयूर तांबडे, सहसचिव बाळाराम रोडपालकर, खजिनदार विशाल सावंत, सदस्य अ‍ॅड. नागेश हिरवे, हरेश साठे, रोहन गावंड, दीपक जगे, वसंत जाधव, राज भंडारी यांनी विशेष मेहनत घेतली.

यापुढेदेखील गरजू नागरिकांना सायकली वाटप करण्यात येणार आहेत, ज्यांना या उपक्रमात सहभागी व्हायचे आहे आणि गरजूंना मदत करावयाची आहे, त्यांनी अ‍ॅड. मनोहर सचदेव 7276666666, मयुर तांबडे 9323935050, डॉ. कृष्णा देसाई 9372635443, विशाल सावंत 7666299921, बाळाराम रोडपालकर 9920594133, अ‍ॅड. नागेश हिरवे 7977472851 यांच्याशी संपर्क साधावा, असे आवाहन करण्यात आले.