। अलिबाग । विशेष प्रतिनिधी ।
अलिबाग – रोहा रस्त्याचे रखडलेले काम त्वरीत पूर्ण करण्याच्या मागणीसाठी आज अलिबाग तालुका शेतकरी कामगार पक्षातर्फे तालुका चिटणीस अनिल पाटील यांच्या नेतृत्वाखाली सार्वजनिब बांधकाम विभागाला पुन्हा एकदा भेट देऊन तातडीने काम सुरु करण्याची मागणी केली आहे. जर तातडीने या कामाला सुरुवात करण्यात आली नाही तर शेकाप स्टाईलने पुन्हा एकदा रस्त्यावर उतरण्याचा इशाराही देण्यात आला आहे.
तालुका चिटणीस अनिल पाटील यांच्यासह यावेळी पुरोगामी युवक संघटनेचे तालुका अध्यक्ष विक्रांत वार्डे, जिल्हा परिषदे सदस्य मधुकर ढेबे, विभागीय चिटणीस ग.का. पाटील, माजी पंचायत समिती सदस्य सुभाष वागळे, उत्तम रसाळ, रमेश पाटील, संजय पाटील, योंगेंद्र पाटील आदी उपस्थित होते.
यावेळी शेकाप कार्यकर्ते आक्रमक झाले होते. वेळेत या रस्त्याचे काम पुर्ण झालेच पाहिजे असेही यावेळी खडसावण्यात आले. त्यासाठी वेळेत काम सुरु होणे देखील गरजेचे आहे असे सांगताना अलिबाग – रोहा रस्त्याचे काम गेल्या अनेक दिवसापासून बंद आहे. मंत्रीख् नेत्यांचा असताना जो रस्ता एक आठवड्यात करण्यात आला, त्यापुढील रस्ता गेली 12 महिने अर्धवट स्थितीत आहे. यामुळे जनतेला प्रवास करणे गैरसोयीचे व अंत्यत त्रासदायक होत आहे. आम्ही वेळोवळी विविध अंदोलने, निवेदने करूनही आपणाकडून सदरचा रस्ता अद्यापपर्यंत पूर्ण करणेत आलेला नाही. या नादुरूस्त रस्त्यामुळे होणार्या अपघातांची जबाबदारी आपण घेणार आहात का? अन्यथा आम्हांला आक्रमक आंदोलनाचा मार्ग स्विकारावा लागेल.
तरी अलिबाग-रोहा रस्त्याचे काम आपणांकडून किती तारखेपर्यंत पूर्ण करण्यात येईल असे आपणांकडून लेखी आश्वासन देवून सदर काम त्वरीत सुरू करण्यात यावे अशी मागणी आम्ही या निवेदनामार्फत करीत आहोत. जर आपणा दिलेलेल्या तारखेपर्यंत सदरचा रस्ता पूर्ण न झाल्यास आम्ही उपोषणाला बसणार असल्याचा इशाराही देण्यात आला.