स्मशानभूमीची साफसफाई, परिसरात वृक्षारोपण
। पाली/गोमाशी । वार्ताहर ।
पालीतील वरचा देऊळवाडा येथील ग्रामस्थ मंडळ यांनी येथील स्मशानभूमीची साफसफाई व परिसरात वृक्षारोपणाचे विधायक सामाजिक कार्यक्रम नुकतेच राबवले आहे.
या वृक्षारोपणाकरीता स्थानिक नगरसेविका मधुरा अमीर वरंडे यांनी नगरपंचायत पालीमार्फत 50 वृक्ष उपलब्ध करून दिल्याबद्दल ग्रामस्थांनी त्यांचे आभार मानले. तसेच गावातील वयोवृध्द व तरुणांनी या कामात खूप मेहनत घेतली. भर पावसात त्यांनी कामे केली. उपक्रमाच्या माध्यमातून ग्रामस्थांनी एकत्र येऊन सामाजिक एकोपा जोपासत एक आदर्श घालून दिला आहे. या विधायक उपक्रमासाठी राजाराम चव्हाण ( 86), आप्पा चव्हाण, विठोबा गायकवाड, विनायक राऊत, अमित वरंडे, अविनाश अशोक दंत, सुरेश गायकवाड, शुभम वरंडे, आर्यन जाधव, गौरव वाघमारे, संदेश वरंडे, सर्वेश राऊत, सूरज वरंडे या सगळ्यांनी खूप मेहनत घेतली.