उरणमधील रिक्षाचालकाचे देशप्रेम

| उरण | वार्ताहर |
उरणमधील सर्वसामान्य रिक्षाचालकाचे अनोखे असे देशप्रेम उरणकरांना दरवर्षी पहायला मिळत आहे. स्वातंत्र्य दिन 15 ऑगस्ट व 26 जानेवारी प्रजासत्ताक या दोन दिवशी उरणमधील रिक्षाचालक एजाज सौदागर हे आपल्या रिक्षाला तिरंगा ध्वजासारखी सजवून, रिक्षात देशपर गीते लावून आपले देशावरील प्रेम व्यक्त करतात.

उरणध्ये स्वातंत्र्य व प्रजासत्ताकदिनी एजाज सौदागर यांची तिरंगा ध्वजात सजलेली रिक्षा व देशगीते ऐकायला मिळाली नाहीतर उरणकरांना चुकल्यासारखे वाटते. वरील दोन दिवशी न चुकता एजाज सौदागर हा आपला देशावरील प्रेम आपल्या परीने व्यक्त करीत असला तरी देशप्रेमींना ते भावणारे आहे. एजाज यांच्या देशप्रेमाची चर्चा उरणच्या जनतेत लहानांपासून थोरांपर्यंत होताना दिसत आहे.