रानसई येथील जोडपे बेपत्ता

। वावोशी । वार्ताहर ।

वावोशी पोलीस दुरक्षेत्राच्या हद्दीतील शिरवली ग्रामपंचायतमधील रानसई आदिवासी वाडीतील संतोष लक्ष्मण वाघमारे (35) व सुवर्णा भरत जाधव (30) हे दोघेही दिनांक 6ऑक्टोंबर 2024 पासून बेपत्ता आहेत.

रानसई आदिवासी वाडी येथे राहणारे संतोष लक्ष्मण वाघमारे व सुवर्णा भरत जाधव हे दोघेही दिनांक 6 ऑक्टोंबर 2024 रोजी रात्री नऊ वाजताच्या दरम्यान घरात कोणास काही न सांगता अचानक गायब झाले आहेत. त्यांच्या नातेवाईक, मित्रमंडळीकडे जाऊन चौकशी केली तरीदेखील त्यांचा ठावठिकाणा लागला नाही. तरी सदरील महिला आणि पुरुष यांचा कसून तपास करत असून हे दोघेही आपल्या गावात अगर आजूबाजूच्या परिसरात निदर्शनास आल्यास तात्काळ वावोशी दुरक्षेत्र व खालापूर पोलीस ठाणे यांना संपर्क करावा, अशी विनंती सर्व नागरिकांना करण्यात आली आहे. सदर घटनेचा अधिक तपास सहायक पोलीस उपनिरीक्षक केतन सांगळे हे पोलीस निरीक्षक सचिन पवार यांच्या मार्गदर्शनाखाली करीत आहेत.