जुगारा खेळणार्‍यांविरोधात गुन्हा

। पनवेल । वार्ताहर ।

कोपरा गाव पाईपलाईन येथे काही जणं जुगार खेळत असल्याची माहिती पोलिसांना मिळाली. त्यानुसार पोलीस त्या ठिकाणी गेले असता सात ते आठ जणं पैसे समोर ठेवून जुगार खेळत असल्याचे दिसून आले. यावेळी काही जणं पोलिसांना पाहून खड्ड्यांमध्ये व पाईपवरून उड्या मारून पळून गेले. यातील गुरु तोडेकर पोलिसांच्या ताब्यात सापडला असून त्यांच्या विरोधात जुगार प्रतिबंधक कायद्याअंतर्गत गुन्हा दाखल करण्यात आला.