| महाड | प्रतिनिधी |
विवाहितेचा शारीरिक व मानसिक छळ करून तिला आत्महत्या करण्यास प्रवृत्त केल्याप्रकरणी तिचा पती, सासू व सासरा या तिघांवर महाड शहर पोलीस ठाण्यामध्ये गुन्हा करण्यात आला आहे.
राजेवाडी बौद्धवाडी येथे ही घटना घडली. मृत विवाहित महिलेची आई वृषाली वाजेकर (रा.विन्हेरे) यांनी महाड शहर पोलीस ठाण्यामध्ये दिलेल्या याबाबत तक्रारी नुसार मृत विवाहितेचे नाव प्रिया प्रतिश आर्डे (वय 23 राहणार राजेवाडी बौद्धवाडी) असे असून तिचा प्रेमविवाह 2017 मध्ये प्रतिश आर्डे (वय 31) याच्या सोबत झालेला होता. या प्रेम विवाह नंतर प्रतिश तसेच त्याची आई विनया आर्डे व वडील विलास आर्डे हे तिघे संगनमतांनी प्रिया हिला माहेरून पैसे आणण्याचा तगादा लावत होते, माहेरून पैसे न आणल्यामुळे त्यांनी तिचा शारीरिक व मानसिक छळ करण्यास सुरुवात केली होती. अखेर या छळाला कंटाळून प्रिया हिने 14 ऑक्टोबरला आपल्या घरी लाकडी भागाला गळफास लावून आत्महत्या केली. आपल्या मुलीच्या आत्महत्येला जबाबदार असल्या प्रकरणाची तक्रार तिच्या आईने पोलीस ठाण्यात गेल्यानंतर पोलिसांनी तिचा पती सासरा व सासू या तिघांवर गुन्हा दाखल केला आहे.याप्रकरणी अधिक तपास उपनिरीक्षक रेखा जगदाळे करत आहेत.
विवाहितेच्या आत्महत्ये प्रकरणी पती, सासू, सासर्यावर गुन्हा
