| महाड | प्रतिनिधी |
महाड शहरातील डॉ. बाबासाहेब आंबेडकर राष्ट्रीय स्मारक येथील मिनी हॉलमध्ये दि. 17 मार्च रोजी छावा मराठा योद्धा या संघटनेमार्फत शहरातील विविध क्षेत्रात उल्लेखनीय कामगिरी करणार्या मान्यवारांचा यथोचित गौरव तसेच सत्कार करण्यात आला. याप्रसंगी अनेक मान्यवरांनी उपस्थित राहून या सोहळ्याची शान वाढविली. याप्रसंगी संस्थेचे संपादक मुदस्सीर पटेल यांनी प्रास्ताविक सादर केले. या सोहळ्याचे अतिथी ज्येष्ठ लेखक तथा देशातील सर्वोच्च राष्ट्रपती पुरस्कार प्राप्त भुस्कुटे गुरुजी, सोहळ्याचे अध्यक्षस्थान साळुंके रेस्कयू टीमचे संस्थापक अध्यक्ष प्रशांत साळुंके यांनी आपले मनोगत व्यक्त केले.
या पुरस्कार सोहळ्यात शहरात विविध क्षेत्रात उल्लेखनीय कामगिरी केलेल्या परंतु दुर्लक्षित राहिलेल्या मान्यवारांची योग्य निवड करून त्यांना सन्मानचिन्ह सोबत सन्मानपत्र देऊन यथोचित सन्मान केला. या सन्मानाने अनेक मान्यवार भावनाविवश होऊन त्यांनी ही हा सोहळा आमच्यासाठी प्रेरणा देणारा सोहळा असून, आम्ही आमचे काम यापुढे अजून जोमाने करू आणि या पुरस्काराचा आम्ही मान ठेवू, अशी ग्वाही दिली.
याप्रसंगी बशीर चिंचकर, श्री. खोत, मिलिंदकुमार खांबे, हितेश मेहता, विजय विन्हेरकर, छावा जिल्हाध्यक्ष पराग वडके, नयनेश दळी, नदीम इसाने, रायगड प्रेस असोसिएशनचे जिल्हाध्यक्ष मनोज खांबे यांनी विशेष उपस्थिती लावली. या कार्यक्रमाचे सूत्रसंचालन सुधीर शेठ यांनी केले.