मांडवा येथे जिल्हास्तरीय महिला भव्य कबड्डी स्पर्धा

| खारेपाट | वार्ताहर |

अलिबाग तालुक्यातील टाकादेवी स्पोर्ट क्लब मांडवा व ग्रामस्थ यांच्या संयुक्त विद्यमाने जिल्हास्तरीय प्रौढ महिला व पुरुष कबड्डी स्पर्धा 2024 स्वर्गीय रुची पाटील स्मृति चषक 2024 प्रौढ महिला कबड्डी स्पर्धा शुक्रवारी (दि.29) सायंकाळी 5 वाजता टाकादेवी क्रीडा नगरी मांडवा येथे आयोजित केली आहे. त्याचप्रमाणे पुरुष गट कबड्डी स्पर्धेचे उद्घाटन रणजीत राणे माजी पंचायत समिती सदस्य व क्रीडा व सामाजिक विकास मंडळ आवास यांच्या हस्ते होणार आहे.

सदर कबड्डी स्पर्धा रायगड जिल्हा कबड्डी असोसिएशनच्या मान्यतेने होत आहेत. सदर कार्यक्रमास आमदार जयंत पाटील, राज्य बेलदार समाजाचे अध्यक्ष राजू साळुंखे, अ‍ॅड. आस्वाद पाटील, चित्रा पाटील, माजी आमदार पंडित पाटील, अभिजीत राणे माजी सरपंच आवास व प्रशांत नाईक माजी नगराध्यक्ष अलिबाग व विविध क्षेत्रातील मान्यवर उपस्थित राहणार आहेत. मंडळाचे अध्यक्ष केशव पाटील उपाध्यक्ष अशोक घरत व स्पोर्ट क्लबचे सर्व पदाधिकारी व पंचक्रोशीतील सरपंच, उपसरपंच, सदस्य व विविध क्षेत्रातील मान्यवर उपस्थित राहणार आहेत. सदर भव्य क्रीडा स्पर्धेचा लाभ सर्व क्रीडाप्रेमींनी घ्यावा तसेच, कबड्डी स्पर्धेत उत्कृष्ट पकड, उत्कृष्ट चढाई, मालिकावीर तसेच क्रमांक एक ते चार विजेतांना आकर्षक पारितोषिक देण्यात येतील.