रुग्णसेवेसाठी डॉक्टर 24 तास तत्पर

पद्मश्री तात्याराव लहाने यांचे उद्गार , कर्जत येथील महाआरोग्य शिबिरात 3000 रुग्णांवर औषधोपचार

| नेरळ | प्रतिनिधी |

शिवसेना प्रमुख बाळासाहेब ठाकरे यांच्या जयंतीनिमित्त कर्जत येथे महाआरोग्य शिबीर आयोजित केले होते. या शिबिराच्या उद्घाटनप्रसंगी पद्मश्री डॉ. तात्याराव लहाने यांनी रुग्णसेवा करण्यासाठी आम्ही 24 तास तत्पर असतो आणि अशा महाआरोग्य शिबिरात सेवा देण्याची संधी ही आमच्यासाठी फार मोठी उपलब्धी असल्याचे मत डॉ लहाने व्यक्त केले. कर्जतचे आमदार महेंद्र थोरवे यांचे माध्यमातून आणि आमदार महेंद्र थोरवे फाऊंडेशन तसेच रोटरी क्लब ऑफ बॉम्बे सिकोरेस्ट यांच्या सहकार्याने आयोजित शिबिरात तब्बल 3000 रुग्णांची तपासणी आणि रुग्णांवर उपचार करण्यात आली.

पोसरी येथील शिवतीर्थ सभागृहात शिवसेना प्रमुख बाळासाहेब ठाकरे यांच्या जयंतीनिमित्त महाआरोग्य शिबिराचे आयोजन करण्यात आले होते. या आरोग्य शिबिरात नेत्र चिकित्सा, मोतीबिंदू शस्त्रक्रिया, नाक कान घसा, बाळ रोगतज्ज्ञ, जनरल मेडीसिन, हृदयरोग तपासणी, हाडांचे तपासणी आदी तपासण्या आणि उपचार शिबीर आयोजित करण्यात आले होते. या शिबिराचे उद्घाटन पद्मश्री डॉ. तात्याराव लहाने, आयोजक आमदार महेंद्र थोरवे, नेत्रतज्ज्ञ डॉ. सुहास हळदीपुरकर, डॉ0 रागिणी पारेख, रोटरी क्लब मुंबईचे मेडिकल विभागाचे प्रमुख किशोर मासुरकर, क्लबचे अध्यक्ष अंकुश जैन, वैद्यकीय तज्ज्ञ डॉ. मोहन सोबरवाल,डॉ सुरेश सोनिजी,आरोग्य प्रकल्प प्रमुख हरेश शानी आणि शीखा खन्ना आदी प्रमुख व्यासपीठावर उपस्थित होते.

या शिबिरात डोळ्यांची तपासणी स्वतः पद्मश्री डॉ तात्याराव लहाने यांच्यासह डॉ रागिणी पारेख,डॉ सुहास हळदीपुरकर,डॉ आबाद मोजववाला,डॉ लोहेजी यांनी रुग्णांची तपासणी केली.तर नाक कान घसा विभागातील रुग्णांची तपासणी डॉ समीर भार्गवी यांनी तर लहान मुलांची तपासणी बाळ रोग तज्ञ डॉ ज्योती सोनोजी यांनी केली.जनरल मेडीसीन मध्ये डॉ मोहन सोबरवाल,डॉ मलिंदर सोबरवाल, डॉ अशोक कोठारी यांच्या पथकाने रुग्णांची तपासणी केली.हृदयरोग विभागात डॉ सुरेंद्र सोनोजी आणि हाडांचे डॉकटर यांच्या पथकाने ही तपासणी केली.त्याचवेळी महिलांसाठी गर्भाशय आणि स्तनाचे कर्करोग रुग्णांची तपासणी आणि सल्ला देण्यात आला.

या शिबिराचे नियोजन आ. महेंद्र थोरवे फाऊंडेशनकडून मनोहर थोरवे, अभिषेक सुर्वे, संकेत भासे, प्रसाद थोरवे तसेच अक्षय शिंगटे, जयेश जाधव, अशोक कांबेरे, संजय चवरे, नवनीत कदम, प्रशांत पाटील, भरत थोरवे, प्रभाकर भोसले, सतीश कडू यांच्या पथकाने केले.

50 दिव्यांगांना व्हीलचेअर
या महाआरोग्य शिबिरात कर्जत विधानसभा मतदारसंघातील 50दिव्यांग यांना आमदार महेंद्र थोरवे फाऊंडेशनकडून व्हील चेअर उपस्थित डॉक्टरांच्या हस्ते देण्यात आल्या.