निवडणुकीच्या कामात ई-रिक्षा, रुग्णवाहिका दिमतीला
filter: 0; fileterIntensity: 0.0; filterMask: 0; brp_mask:0; brp_del_th:null; brp_del_sen:null; delta:null; module: video;hw-remosaic: false;touch: (-1.0, -1.0);sceneMode: null;cct_value: 0;AI_Scene: (-1, -1);aec_lux: 0.0;aec_lux_index: 0;HdrStatus: off;albedo: ;confidence: ;motionLevel: -1;weatherinfo: null;temperature: 36;
| नेरळ | प्रतिनिधी |
कर्जत तालुक्यातील माथेरान गिरीस्थान नगरपरिषद निवडणुकीसाठी निवडणूक यंत्रणा सज्ज झाली आहे. या निवडणुकीसाठी उद्या मतदान होणार असून, सर्व दहा मतदान केंद्रांवर मतदान साहित्य पोहोचले आहे. दरम्यान, माथेरानमध्ये पर्यावरण पुरक ई-रिक्षा आणि रुग्णवाहिका यांचा वापर मतदान साहित्य आणि मतदान केंद्रातील अधिकारी कर्मचारी यांना पाठवण्यासाठी करण्यात आला.
माथेरान नगरपरिषदेसाठी 4055 मतदार असून, उद्या दोन डिसेंबर रोजी दहा मतदान केंद्रांवर मतदान होणार आहे. यासाठी सोमवारी निवडणूक निर्णय अधिकारी यांच्या कार्यालयात मतदान केंद्र अधिकारी, कर्मचारी यांना मतदान साहित्य देण्यात आले. माथेरान पालिका निवडणुकीत दहा प्रभाग असून, या दहा प्रभागांतील मतदारांसाठी दहा ठिकाणी मतदान केंद्रे बनविण्यात आली आहेत.
मतदान केंद्रांसाठी 66 कर्मचारी तैनात करण्यात आले असून, त्यात मतदान केंद्राध्यक्ष तसेच मतदान केंद्रातील तीन कर्मचारी आणि एक शिपाई तसेच कायदा सुव्यवस्थेचा प्रश्न निर्माण होऊ नये यासाठी पोलीस कर्मचाऱ्यांची नियुक्ती करण्यात आली आहे. त्याचवेळी तीन प्रभागांसाठी लागणारे कर्मचारी हे राखीव ठेवण्यात आले आहेत, अशी माहिती निवडणूक निर्णय अधिकारी सुरेंद्र ठाकूर यांनी दिली. मतदान केंद्र साहित्य वाटपप्रसंगी सहनिवडणूक निर्णय अधिकारी पालिका मुख्याधिकारी राहुल इंगळे, निवडणूक नायब तहसीलदार गोविंद कोटुंबे हे उपस्थित होते.
यावेळी माथेरान नगरपरिषद निवडणुकीसाठी पहिल्यांदा पर्यावरणपूरक ई-रिक्षा यांचा वापर मतदान साहित्य यांची ने-आण करण्यासाठी करण्यात आली. तर, शहरात दाट वस्तीत असलेल्या मतदान केंद्रावर मतदान साहित्य तसेच मतदान केंद्र अधिकारी यांना सोडवण्यासाठी रुग्णवाहिका यांचा वापर करण्यात आला. शहरात दहा ठिकाणी मतदान केंद्रापर्यंत पोहोचण्यासाठी प्रथमच ई-रिक्षा यांचा वापर झाल्याने तसेच कर्मचाऱ्यांची ने-आण करण्यासाठी ई-रिक्षा मिळत असल्याने अधिकारी, कर्मचारी आनंदी आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.