आयशर-कारची जोरदार धडक; चौघांचा मृत्यू, दोन जखमी
| नाशिक | वृत्तसंस्था |
मुंबई-आग्रा महामार्गावरील आडगावजवळ शुक्रवारी (दि.12) रात्री आयशर आणि कारचा विचित्र अपघात झाला आहे. या अपघातात चार जणांचा जागीच मृत्यू झाला असून दोन जण जखमी झाले आहेत. अपघाता नंतर वाहतूक कोंडी झाली होती.
मुंबई-आग्रा राष्ट्रीय महामार्गावर आडगाव येथील दत्त मंदिरासमोर शुक्रवारी रात्री नाशिक बाजूकडून ओझरकडे जाणाऱ्या आयशर टेम्पो चालकाचे नियंत्रण सुटल्याने आयशर महामार्गाच्या विरुद्ध बाजूला गेला. त्यामुळे ओझरकडून आडगावकडे जाणाऱ्या कारची आणि आयशरची जोरदार धडक झाली.
या अपघातात कारमधील चार जणांचा जागीच मृत्यू झाला असून आयशरचा चालक आणि क्लिनर हे दोघे जखमी झाले आहेत. यात ब्रेझा कारचा चक्काचूर झाला असून आयशर टेम्पोचे ही नुकसान झाले आहे. अक्षय जाधव, सज्जू शेख, अरबाज तांबोळी आणि रहेमान तांबोळी, अशी मृतांची नावे आहेत. मयत सर्व नाशिकच्या सिडको परिसरातील रहिवासी असल्याची माहिती समोर येत आहे. पोलिसांनी घटनास्थळी तात्काळ धाव घेऊन वाहतूक सुरळीत केली. अपघातग्रस्तांना तात्काळ नाशिकच्या जिल्हा रुग्णालयात पाठवण्यात आले होते. जखमींवर रुग्णालयात उपचार सुरु आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.