रचना देशमुखांच्या कलेला वैभवशाली परंपरा
| कर्जत | प्रतिनिधी |
चित्रकलेच्या क्षेत्रातील भरीव योगदानाबद्दल जिजामाता पुरस्कारांची मानकरी असलेली रचना सुमिरन यांच्या नाविन्यपूर्ण चित्रांच्या प्रदर्शन मुंबईत होणार आहे. कमलनयन बजाज आर्ट गॅलरी, तळमजला, बजाज भवन, नरिमन पॉईंट येथे दि. 2 ते 8 एप्रिलदरम्यान हे प्रदर्शन सकाळी 11 ते संध्याकाळी 7 पर्यंत पार पडणार असून, कलाप्रेमींना अॅक्रेलिक आणि सॉफ्ट पेस्टल माध्यमात तयार केलेल्या 19 कलाकृती पाहता येतील.
रचना देशमुख (पूर्वाश्रमीची अर्चना देशमुख) ही याच वैभवशाली परंपरेतील एक उदयोन्मुख चित्रकार. अर्चना ही पहिली पुरस्कार विजेती कर्जतकर कलाकार आहे, जिला बॉम्बे आर्ट सोसायटीने तिच्या अमूर्त चित्रासाठी सन्मानित केले आहे. निसर्ग सौंदर्याने नटलेल्या भूमीवर रचनाचा हा प्रवास सुरु झाला. कर्जतमधील ज्येष्ठ-श्रेष्ठ कलाकारांच्या सान्निध्यात तिचे उपजत कलागुण बहरू लागले. लग्नानंतर या उपजत कलागुणांना एक शिस्तबद्ध चौकट लाभावी म्हणून तिने चित्रकलेचं औपचारिक शिक्षणही पूर्ण केल. रचनेच्या चित्रशैलीत आपल्याला मूर्त आणि अमूर्तचा सुंदर संगम दिसतो. तिचे अकॅरॅलीक कलरवरील उत्तम प्रभुत्व आपल्याला तिच्या चित्रांमधून दिसते.