नाकाबंदी दरम्यान घडला अपघात
। पुणे । प्रतिनिधी ।
पुण्यात नाकाबंदी दरम्यान एका कारने महिला पोलीस कर्मचाऱ्याला धडक दिली. या अपघातात महिला पोलीस कर्मचारी जखमी झाली आहे. अपघातानंतर अज्ञात कारचालक घटनास्थळावरुन फरार झाला असून पोलीस आरोपीचा शोध घेत आहेत.
पुणे स्टेशन परिसरात रविवारी (दि.08) मध्यरात्री 1 च्या सुमारास हि अपघाताची घटना घडली. एका भरधाव कारने नाकाबंदीसाठी तैनात असणाऱ्या महिला पोलीस कर्मचाऱ्याला धडक दिली. या अपघात महिला पोलीस कर्मचारी दीपमाला नायर या जखमी झाल्या. तर, या अपघतानंतर कारचालक घटनास्थळावरून फरार झाला. याप्रकरणी अज्ञात कारचालकावर बंडगार्डन पोलीस स्टेशनमध्ये गुन्हा दाखल केला असून पोलीस सीसीटिव्हीच्या माध्यमातून आरोपीचा तपास करत आहेत.