उद्घाटनापूर्वीच रिफायनरीला आग

| जयपूर | वृत्तसंस्था |

राजस्थानमधील पचपदरा रिफायनरीमध्ये आग लागली आहे. या रिफायनरीचे उद्घाटन पंतप्रधान नरेंद्र मोदी यांच्या हस्ते मंगळवारी (दि.21) होणार होते. एचपीसीएल राजस्थान रिफायनरी लिमिटेडद्वारे उभारण्यात आलेली ही सुविधा, राजस्थानमधील अत्याधुनिक तंत्रज्ञानाने सुसज्ज असलेला पहिलाच प्रकल्प आहे; या ठिकाणी बीएस-6 मानकांचे इंधन उत्पादित केले जाणार होते. हा प्रकल्प बाडमेर जिल्ह्यातील पचपदरा परिसरात उभारण्यात आला आहे. विशेष म्हणजे, रिफायनरी आणि पेट्रोकेमिकल संकुल या दोन्हीचा एकात्मिक विकास साधणारा देशातील हा पहिलाच प्रकल्प मानला जात आहे. हा रिफायनरी आणि पेट्रोकेमिकल प्रकल्प, हिंदुस्तान पेट्रोलियम कॉर्पोरेशन लिमिटेड आणि राजस्थान सरकार यांच्या संयुक्त विद्यमाने विकसित करण्यात आला आहे.