पुण्यात एका रात्रीत पाच दुकाने फोडून चोरी

। पुणे । प्रतिनिधी ।

पुण्यात चोरट्यांनी धुमाकूळ घातल्याची घटना समोर आली आहे. चोरटयांनी एका रात्रीत पुण्यातील एफसी रोड, जे.एम.रोड या प्रमुख रस्त्यांवरील पाच दुकाने फोडून 1.25 लाखांची रक्कम लंपास केली आहे.

पुण्यातील एफसी रोड, जे.एम.रोडवरील कपडे, आईस्क्रीम आणि शूजची दुकाने चोरट्यांनी फोडून चोरी केली आहे. एकूण 5 दुकानात चोरी झाली असून चोरट्यांनी जवळपास 1.25 लाख रुपयांची रक्कम लंपास केली आहे. या प्रकरणाचा तपास डेक्कन पोलिसांसह गुन्हे शाखेचे पथक करत असून दोन अट्टल चोरट्यांकडून ही चोरी केल्याचा संशय पोलिसांना आहे.