। पनवेल । वार्ताहर ।
पोलीस असल्याची बतावणी करून एका दुकानदाराकडून मंगळसूत्र व रोख रक्कम लंपास केल्याची घटना करंजाडे येथे घडली आहे. करंजाडे येथे दुकान असलेले कमलेश पंडित (56) यांच्याकडे मोटार सायकलवरुन एक इसम आला व त्याने स्वतः पोलीस असल्याचे सांगून तुम्ही विमल गुटखा विकता त्यामुळे तुमच्यावर केस होईल अशी त्यांना भिती दाखवून त्यानंतर बाजूलाच मोठी चोरी झाली असून चोरीस गेलेला माल हा तुम्ही लपवून ठेवला आहे असे खोटे सांगून त्यानंतर पंडित यांच्या घरी जावून त्यांच्या ताब्यात असलेले 10 ग्रॅम वजनाचे मंगळसूत्र व रोख रक्कम असा मिळून 30 हजार रुपये किंमतीचा ऐवज लबाडीने फसवणूक करण्याच्या इराद्याने काढून घेवून तो पसार झाल्याने याबाबतची तक्रार पनवेल शहर पोलीस ठाण्यात करण्यात आली आहे.
पोलीस असल्याचे सांगून फसवणूक
![](https://krushival.in/grygrars/2021/10/fsvnuk.jpg)