| पनवेल | वार्ताहर |
कंपनीमध्ये प्रोडक्शन बंद असताना सुद्धा लाईट डिझेल ऑइल विनापरवाना ऑर्डर मागून ऑइल ची सुशांत भोईर व राम तुलसानी यांनी परस्पर विल्हेवाट लावून फसवणूक केल्या प्रकरणी दोघांविरोधात तळोजा पोलीस ठाण्यात गुन्हा दाखल करण्यात आला.
तळोजा एमआयडीसी येथे सिद्धार्थ केमिकल्स नावाची कंपनी असून कंपनीत सुशांत रामचंद्र भोईर (राहणार रसायनी दापीवली) हे मॅनेजर आहेत. अकाउंट मॅनेजर म्हणून मटेरियल ऑर्डर देणे, इन वर्ड, आउट वर्ड, डिस्पॅच करणे, बिल बनवणे हे कामे भोईर करतात. त्यांनी हे काम ऑक्टोबर 2023 रोजी सोडले. त्यानंतर देशमुख यांनी प्रोडक्शन चे डिटेल मागवले असता कंपनीमध्ये केमिकल इंटरमेटीअटचे प्रोडक्शन झालेले नाही. परंतु त्याकरता लागणारे लाईट डिझेल मागवले गेले आहे व लाईट डिझेल ऑइल करता लागणारे परचेस ऑर्डर कंपनीच्या कागदपत्रांमध्ये कुठेही दिसून येत नव्हती. त्यावेळी सुशांत भोईरला विचारणा केली असता कंपनीला लाईट डिझेल ऑइल पुरवणारे राम तुलसांनी हे लाईट डिझेल ऑइल विना चलनाचे परत घेऊन जात असल्याचे सांगितले. रजिस्टर तपासले असता राम तुलसांनी हे ऑइल कंपनीमधून घेऊन गेले असल्याचे गेट रजिस्टर मध्ये नोंद मिळून आली. त्यानंतर लाईट डिझेल ऑइलचे आवक, जावक, झालेले प्रोडक्शन, याची पडताळणी केली असता सुशांत भोईर यांनी 2022 ते 2023 पर्यंत 28 लाख 53 हजार रुपये किमतीचे लाईट डिझेल ऑइल विनापरचे ऑर्डर मागवले व त्याची परस्पर विल्हेवाट लावून फसवणूक केली.