रूम देण्याच्या बहाण्याने फसवणूक

। पनवेल । प्रतिनिधी ।

रूम न देता पैसे देखील परत न केल्याप्रकरणी आरोपी मोहम्मद अरिफ रा. नेरूळ, मोहम्मद तजमुल अन्सारी रा. कळंबोली, जगत नारायण जवाहरलाल कश्यप रा. कल्याण, अशपाक सिकंदर मुजावर रा. कळंबोली यांच्या विरोधात कळंबोली पोलीस ठाण्यात गुन्हा दाखल करण्यात आला.

आरोपींनी एचडीएफसी बँकेने सील केलेले रूम विक्री करण्याचे अधिकार दिलेले नसताना सुद्धा 3 ऑक्टोबर 2025 ते 4 मे 2026 पर्यंत तक्रारदार मोहम्मद सलमानी रा. रोडपाली सेक्टर 17 यांना एचडीएफसी बँकेचे सील लागलेला रूम देशमुख ब्लासम, ओवेगाव, खारघर हा दाखवला आणि तो रूम कमी किंमतीत मिळवून देतो असे सांगून त्यांच्याकडून टोकन म्हणून 4 लाख 11 हजार रुपये ऑनलाईन स्वीकारले तसेच तक्रारदार यांच्या ओळखीचे प्रदीप गुप्ता रा. कळंबोली रामभवन जैस्वार आणि उमेश जैस्वार रा. तुर्भे यांना सुद्धा कळंबोली येथे बँकेने सील केलेल्या रूम कमी किंमतीत मिळवून देतो असे सांगून त्यांच्याकडून अनुक्रमे दोन लाख आणि आठ लाख रुपये ऑनलाईन स्वीकारले आणि तिघांची एकूण 14 लाख 11 हजार रुपयांची फसवणूक केली. त्यांना रूम देखील दिला नाही आणि पैसेही परत केले नाहीत.