| नेरळ | प्रतिनिधी |
देशाच्या स्वातंत्र्य चळवळीत सहभाग घेणारे स्वातंत्र्यसैनिक राघो नागो भगत यांना शिव पुरस्कार देवून सन्मानित करण्यात आले. धाकटी चांदई येथील हुतात्मा हिराजी पाटील तरुण मंडळाच्या वतीने आयोजित शिवजयंती उत्सव सोहळ्यात हा पुरस्कार प्रदान करण्यात आला.
19 फेब्रुवारी रोजी छत्रपती शिवाजी महाराज यांची जयंती कर्जत तालुक्यातील चांदई येथे आयोजित करण्यात आली होती. येथील ग्रामस्थ मंडळ आणि हुतात्मा हिराजी पाटील तरुण मंडळ यांच्या वतीने 18 व्या वर्षी शिवजयंतीचा सोहळा आयोजित करण्यात आला होता. त्यावेळी इतिहास अभ्यासक वसंत कोळंबे, जिल्हा परिषदेचे माजी पक्ष प्रतोद सावळाराम जाधव, नसरापूर ग्रामपंचायत सरपंच जयवंती कोळंबे, उप सरपंच श्वेता हडप, ग्रामपंचायत सदस्य पूजा कोळंबे, यांच्यासह कुस्ती संघटनेचे तालुका अध्यक्ष भगवान धुळे, माजी सरपंच मोहन गवंडी, दीपक भालेराव, सुनील रसाळ, माधव कोळंबे, महेश कोळंबे आदी मान्यवर व्यासपीठावर उपस्थित होते. या कार्यक्रमात आझाद दस्ता मधील प्रमुख स्वातंत्र्यसैनिक राघो नागो भगत मास्तर यांना मरणोत्तर शिव पुरस्कार देण्यात आला. भगत मास्तर यांचे पुत्र शरद भगत आणि नातू अविनाश भगत यांनी हा पुरस्कार सावळाराम जाधव यांचे हस्ते स्वीकारला.त्याचवेळी या कार्यक्रमात पी एच डी चे शिक्षण घेत असलेली प्रतीक्षा माळी, नीट परीक्षेत यशस्वी झालेली मृदुला चंदन,तसेच दहावी बारावी मधील आदिवासी भागातील गुणवंत विद्यार्थी वनिता वारगडे, रोहिणी निरगुडे यांचा विशेष सन्मान करण्यात आला. या कार्यक्रमाचे प्रास्ताविक महेश कोळंबे यांनी तर सूत्र संचालन विजय कोंडीलकर यांनी केले.
या सोहळ्यात इतिहास अभ्यासक वसंत कोळंबे यांनी छत्रपती शिवाजी महाराज यांचे लोक कल्याणकारी राज्य या विषयावर व्याख्यान दिले. त्याआधी शिवजयंती उत्सवाचे निमित्ताने गावातील विद्यार्थी आणि तरुण यांच्यासाठी चित्रकला तसेच रांगोळी स्पर्धा आयोजित करण्यात आली होती. या स्पर्धेचा निकाल परीक्षक जिल्हा परिषद शाळेचे शिक्षक पालवे आणि माळी यांनी जाहीर केला. या स्पर्धतील रांगोळी स्पर्धेत प्रतिभा तानाजी कोळंबे यांचा प्रथम तर वैष्णवी विष्णू कोळंबे यांचा दुसरा आणि अजय – शेखर कोळंबे यांनी काढलेली रांगोळी तिसर्या क्रमाकावर राहिली. चित्रकला स्पर्धेत लहान गट मध्ये श्रेया कोळंबे प्रथम तर दुर्वा कोळंबे दुसरी आणि पूर्वा कोळंबे तिसरी आले.मध्यम गटात रिया कोळंबे प्रथम तर धीरज म्हात्रे दुसरा आणि संस्कृती म्हात्रे तिसरी आली.खुल्या गटात कल्याणी कोळंबे प्रथम तर दर्शन म्हात्रे दुसरा आणि चंद्रशेखर कोळंबे यांचा तिसरा क्रमांक आला.या सर्व स्पर्धकांना पारितोषिके देण्यात आली.