दोन अल्पवयीन मुलींवर सामूहिक अत्याचार

| पालघर | वृत्तसंस्था |

महाराष्ट्रातील पालघर जिल्ह्यात एका अल्पवयीन मुलीवर अनेकदा सामूहिक बलात्कार झाल्याची घटना समोर आली आहे. आधी आरोपीने पीडित मुलीशी सोशल मीडियावर मैत्री केली. त्यानंतर तिला घरी बोलावून तिच्यावर सामूहिक बलात्कार केला असून पीडित मुलीचं वय 18 वर्ष आहे. तर दोन्ही आरोपींचे वय सुमारे 20 वर्ष असल्याचे सांगण्यात येत आहे. असा दोन अल्पवयीन मुलींसोबत हा प्रकार घडला आहे.

आरोपींपैकी एका मुलाने पीडितेशी इंस्टाग्रामवर मैत्री केली होती. दोघांमध्ये मैत्री वाढली आणि त्यानंतर दोघांनी भेटायचे ठरवले. (दि.30) एप्रिल रोजी तरुणाने तिला आपल्या घरी नेले आणि तिथे त्याने मुलीवर बलात्कार केला. त्यानंतर पुन्हा 4 मे रोजी आरोपीने आणखी एका तरुणासोबत 15 वर्षीय पीडितेवर वेगवेगळ्या ठिकाणी वारंवार बलात्कार केला. अत्याचार झाल्यानंतर मुलगी घरी पोहोचली, त्यावेळी तिची अवस्था पाहून कुटुंबियांना धक्काच बसला. कुटुंबियांनी विश्वासात घेऊन मुलीची विचारपूस केल्यावर पीडितेने घटलेला सर्व प्रकार सांगितला. कुटुंबियांनी तात्काळ पोलीस ठाण्यात धाव घेतली. पीडितेने दिलेल्या तक्रारीच्या आधारे पोलिसांनी याप्रकरणी पोलिसांनी गुन्हा नोंदवला आहे आणि त्यानंतर सोमवारी दोन्ही आरोपींना तलासरी येथे धाड टाकून अटक केली.

पोलिसांनी दिलेल्या माहितीनुसार, दोन्ही आरोपी फरार झाले होते. तसेच, ओळख लपवण्यासाठी त्यांनी बनावट नावांचाही वापर केला होता. परंतु, पोलिसांनी दोघांचा कसून शोध घेतला आणि पाळत ठेवून त्यांना पकडलं. दोघांनाही न्यायालयात हजर करण्यात आलं. दोन्ही आरोपींना 9 मेपर्यंत पोलीस कोठडी सुनावण्यात आली आहे. पोलिसांकडून याप्रकरणी अधिक तपास सुरू आहे.