| रेवदंडा । वार्ताहर ।
नवी मुंबई स्पोर्ट्स असोसिएशनचा 30+ टेनिस बॉल मर्यादीत षटकांची क्रिकेट स्पर्धा दि. 28, 29 मे रोजी रेवदंडा हरेश्वर मैदानात मोठया उत्साहात संपन्न झाली.या स्पर्धेत अ गटात प्रथम क्रमांक घनसोली,व्दितीय क्रमांक सारसोळे, तृतीय क्रमांक जुईनगर तसेच ब गटात प्रथम क्रमांक बनकोडे, व्दितीय क्रमांक दिवा ‘अ’, तृतीय क्रमांक नेरूळ यांनी पटकाविला. अ गटात उत्कृष्ट गोलदांज सारसोळे संघाचा नशील, उत्कृष्ट फलदांज जुईनगर संघाचा मोसिम, मालिकावीर सारसोले संघाचा नवनाथ पाटील तसेच ‘ब’ गटात उत्कृष्ट गोलदांज बोनकोड संघाचा महेश, उत्कृष्ट फलदांज नेरूळ संघाचा नंदेश, मालिकावीर दिवा संघाचा सुमित यांची निवड करण्यात आली.
या स्पर्धेत नवी मुंबई येथून ज्ञानेश्वर सुतार, मिथून पाटील, अविनाश सुतार, राजेश मढवी, वैभव पाटील, अनिल भोईर, दत्ता नाईक, रूपेश दिवेकर, निलेश पाटील, राजेंद्र भगत, कुंदन भगत, योगेश तांडेल, प्रशांत पाटील, स्वरूप पाटील, वैभव भोईर, विनोद पाटील, जगन्नाथ कोळी आदी मान्यवर मंडळीची उपस्थिती होती.
स्पर्धेत ‘अ’ गटात प्रथम विजेता संघास 15 हजार रूपये रोख व भव्य चषक, व्दितीय क्रमांकास रूपये 10 हजार रूपये रोख व भव्य चषक, तृतीय क्रमांकास रूपये 5 हजार रूपये रोख व भव्य चषक तसेच ‘ब’ गटातील प्रथम विजेत्यास 10 हजार रूपये रोख व भव्य चषक, व्दितीय क्रमांकास 5 हजार रूपये रोख व भव्य चषक, तृतीय क्रमाकांस 5 हजार रूपये रोख व भव्य चषक तसेच अ व ब गटात उत्कृष्ट फलदांज, उत्कृष्ट गोलदांज व व मालिकावीर यांना भव्य चषक मान्यवरांचे हस्ते वितरण करण्यात आले.
या स्पर्धेत पंचाचे काम राम हाले, पुरूषोत्तम भगत, गुणलेखक प्रशांत भोईटै, विघ्नेश मढवी, व अमित कडू यांनी काम पाहिले तर स्पर्धेतील सुत्रसंचलन व समालोचक म्हणून विजय म्हात्रे व नितेश भोईर यांनी पार पाडले.